#فضفضه المشكلة اني مُحاطه بناس يتدخلون في حياتي بزياده بعضهم من اهلي وبعضهم لا يسوون اشياء تتخطأ حدودهم معي وخصوصا في موضوع الزواج أنا كنت انسانه ايجابيه وسعيده ومتفائله بإن احوالي بتتحسن لكن كل ماتفائلت تجي خطوبه ماتناسبني وتخرب علي ويقومون يسمعوني كلام تقشعر منه الابدان كلام عكس كل مشاعر اليقين اللي فيني.. وانا اكثر شيء كان يخليني متفائله هو اني كنت ادعي وعارفه ان مافي شيء مستحيل على الله وانه كلما اشتد البلاء اقول هانت بس مع تكرار الخطوبات الغير مناسبه حتى هذا الامل بدات افقده وللامانه وعشان اكون منصفه هم يبون مصلحتي لكن مهما كان هذي حياتي وانا أدرى فيها وف مصلحتي وف احتياجاتي ولا اقدر أطيعهم وبنفس الوقت تحطمت وحاسه بحزن شديد قاعد يخطف مني كل لحظة كنت أحس فيها أني بخير .. ذبحني شعور الأسى وذبحتني الوحدة …وحده بس من صديقاتي اللي حاسه فيني وواقفه معي لانها الوحيده اللي تدري بأحوالي … والباقين مقدر اوضح لهم شيء لاننا نختلف في كل شيء حتى فطريقة التفكير ف ماراح يحسون فيني لو مهما تكلمت …
انا تعبت من قلة الحيلة عجزت أحصل مخرج من ضيقي هذا على كثر ماكنت ادعي واستغفر وكذا الا ان المشاعر الايجابيه اللي تجي مع هالعبادات صرت اعجز احسها زي الانسان الطبيعي على فكره أنا مو متطلبه صفتين فقط ابيها تكون فيه وكل اللي تقدمو لي مو موجوده فيهم والان ابتلشت مدري كيف اتعافى من الصدمات اللي جتني بعد كل مره تفائلت فيها ووعدت نفسي ان هذه المره بتضبط معي!?وخصوصا انها قاعده تزيد …وبس يعني الان احتاج منكم كلمه حلوه او تحفيز او دعوه او مواساة او اي شيء لإني حرفيا منهاره واتمنى من اللي متفق معهم لايعلق اللي فيني مكفيني