السلام عليكم ممكن تنزل سوالي انا حابه اكفل يتيم ابغاء احد يدلني على جمعيه خيريه لكفاله اليتيم + انها تقبل اني ازوره بين فتره وفتره

وين مقر بنده للتقديم على الوظايف ؟

السلام عليكم ... اخوي يعاني الناسور في العصعصي في الظهر ؟ اعطوني اسماء دكاتره مجربين .. الله يسعدك ويجزاك خير يارب

عندي عاملة فلبينية للتنازل لعدم الحاجه لها الان تجيد اعمال المنزل ورعاية الاطفال والمنزل تتكلم انجليزي فقط لها 7 شهور بالرياض المهتم انا اتواصل معاه

السلام عليكم لو سمحتو أنا جيت بجدد هويتي وصار علي غرامه تاخير سداد كيف اسددها من وين

أبا باقه نت مسبقه الدفع موبايلي تكون رخيصه لو أسبوعين تقعد بدون مكالمات دلوني طلبتكم مع رمزها أنزليه الآن ضروري

السلام عليكم ورحمة الله وبركاته أنا ساكنه بحي البديعه وأسرتنا مره كبيره أبوي كان مقدم مساعدات بكل مكان ولا جتنا شيء وين نتجه!! وهل حقوق الإنسان تقبل بحالات زي كذا ولالا

بنت عزباء وموظفه راتبي ٣٦٠٠ واخوي وضعه المادي صعب ديون مع ان راتبه فوق١٥ بس ارحمه ودايم ودي اساعده بس دايم مهما جاته فلوس مايتذكرني ولايعطيني ريال بالعكس كل الطلعات تكون ع حسابي والحين عندي مبلغ ٥٠٠٠ ولا ادري هل اعطي ولا لا انا خايفه من المستقبل حتى لو مرضت محد بيوديني اتعالج

السلام عليكم انا محتاجة مبلغ مالي بعد أسبوع تقريبا وانا غير موظفة اذا احد يحتاج مواقع الكترونية بالوردبريس وملفات تعريفية وتصاميم هوية تجارية دورت عملاء جادين بس مالقيت صراحة ؟

السلام عليكم ابغى مطعم بروستد بالرياض ويكون الثوم عنده بالعلب الصغار مثل اللي بالصورة ⁦

السلام عليكم .. ولدي بأولى ابتدائي ضاعت شهادة ميلاده..كيف اطلع لها بدل فاقد؟

بقدم على وضيفة في سوبرماركات الكبيرة مثل بنده والعثيم وين اروح واسال ؟

ابحث لي شخصيا بالرياض انا المشتري فيلا مستعملة ماتزيد عن ٧سنين الحي النرجس او الياسمين او قرطبة الغربية او العقيق او الصحافة او النفل جنوب طريق سلمان المساحة لايقل ٣٥٠متربمبلغ كاش او فيلا جديدة شمال سلمان نفس المساحة بمبلغ لايزيد عن ٢٧٠٠٠٠٠ر اللي يقدر يفيدني يتواصل خاص

السلام عليكم ورحمة الله الله يسعدكم اذا تعرفون حسابات توفر ماكولات بحرية مجمدة وثقة ومجربة واسعارهم معقوله ياليت تكتبون حساباتهم والف شكر لكم

كم تسوى نقاط الراجحي عند بترومين لو بغيت اغير الريت عندهم

بتزوج اجنبية إقامتها منتهية من سنين ايش اعمل

السلام عليكم .. اللي عنده خبره في الايفون احتاج طريقة انقل فيها الصوره والفيديوات غير الايتونز لان لايوجد لدي لاب توب

انا نسمت الشباك شوي بطريق سفر على سرعة 140 عشان ريحة الدخان بعدين ثاني يوم صرت اذا وصلت سرعتي 40 اسمع صوت هواء كاني فاتح الشباك وهو مقفل اصلا وش معناته ووش اسوي وش الحل منرفزني

هل فيه احد تعرض لسرقة حسابه في stcpay وقدر يسترجع المبلغ ؟ والا مثل حساب البنك صعب ترجع ؟

انا تركت الدراسة في صف اول ثانوي قبل 11 سنة لظروف وتركت ملفي في مدرسة أهلية ولا سألت عنها والان بعد 11 سنة ابغى احصل على ملفي وشهاداتي فين ألقاها هل بتكون موجودة في المدرسة بعد 11 سنة ؟