#تساؤلات |

#تساؤلات | انا اهلي حاجزيني لولد خالتي من ٣ سنين وبعد ٦ شهور بنملك وانا احس للحين متردده عشانه عسكري مابي اندم بعدين بليز ساعدوني هل تنصحوني اوافق أو أرفض ؟

#تساؤلات | مملكة من شهر وماطلب رقمي هل طبيعي هذا الشيء؟ كل اللي المملكين اللي اعرفهم حولي يكلمون زوجاتهم افكر انه يمكن مغصوب معقوله الرجال مايحسون؟ ابي شيء يطمن قلبي تعبت من التفكير السلبي

#تساؤلات |

#تساؤلات | أنا بنت في علاقه حب من اربع سنوات وهو يقول بيتزوجني وواعدني بهاذا الشي ولكن الفتره الاخيره صاير يلمح لي انه مايغار د** وعادي عنده الوضع وانا صرت بحيره اكمل العلاقه علما انه ماخطبني للحين او انسحب

#تساؤلات | سؤالي ابي احسن واقوى خزنة لحفظ الذهب والأغراض وتكون ثقيللله جدا وأمينه تكفون علموني بالسعر والموقع؟

#تساؤلات | والله شي غريب كل شتاء يجيني اكتئاب وحزن وتقلب في المزاج والنفسيه بشكل يخوف وش السبب وش الحل الله يجزاكم الجنه يارب؟

#تساؤلات | كم راتب وزارة الدفاع وظيفة “ فني “

#تساؤلات | بستشيركم بموضوع كثرة الزعل زوجي يزعل كثير كرهت الحياه معه كل يومين والثالث زعلان وامور ماتسوى سمح لي اروح لاهلي انام عندهم يومين ثلاثه وهو كان يرفض وعذره ان اهله مو بنفس مدينتنا وانا ما اعترضت كنت ازورهم وارجع لبيتي لكن صار حتى موضوع الزياره مو عاجبه وانا امي مريضه ومرات يجتمعون عندها اقاربنا ويرفض اروح او يصنع مشكله والبيت قريب مني عشر دقايق او اقل والاسبوع اللي راح سمح لي انام عندهم يوم وطلعت وهو راضي ولما رجعت ما يكلمني وزعلان ولا يتقهوى معي ولا يتغدى معي واساله وش فيه يقول مافي شي قلت انه طالعه باذنك وسامح لي والحين كمل يومين ما يكلمني او يتصدد كاني مسويه شي غلط
تعبت من طبعه اسال الرجال ليه الزوج يسوي كذا وهل هالطبع يتغير؟ لان قصر عمري ومافي بيننا اطفال علشان ماتقولون سبب ضغط عليه او شي

#تساؤلات | زوجي متقاعد و مقتدر وراتبه عالي ومسكنا في ملحق احنا متأقلمين فيه وعايشين على صغره جامعني انا وعيالي على ألفه ومحبه لكن هو ينخنق اذا جلس نص يوم في البيت.طول الوقت يتأفف. ويختلق مشاكل عشان يطلع رغم انا مانجبره على الجلسه معنا. بكيفه. والبيت عنده للنوم فقط. حتى الاكل ياكل برا او بالاستراحات. لانه مايوفر شي يعجبه . لاتقولون منكده عليه او مااطبخ له او مااستقبله او مثقلين عليه بالطلبات. لاوالله ابداً ، انا حتى الجيران والصديقات منعني اطلع لهم. كل اللي اطلبه منه يجلس معنا على وجبه وحده يوجه عياله ياخذهم للمسجد.
. سؤالي كيف اربي عيالي على ملازمة المسجد والمراجل عندي اثنين مراهقين فيهم خوف وخجل كيف اعودهم يستقبلون الضيوف انحرج اذا رحت لاهلي مايتجرأون يمسكون دله. ابي يتربون على العطاء والكرم وتحمل المسؤوليه . دلوني تكفون.

#تساؤلات | ايش الجامعات اللي تقبل متخرج من الثانوية قبل ٦ سنين وتكون مجاناً وايش المطلوب اسويه

#تساؤلات | انا من اهل #جده كم تكفيني ميزانيه اذا بسافر قطر انا واهلي اربع اشخاص مع الطيران
وهل ارخص #قطر او اطلع برا دول الخليج اروح لـ #تركيا ؟ افيدوني الله يسعدكم هذي اول مره اسافر

#تساؤلات | لما اسوي عباده معينه مثلا اقرا كل يوم سورة البقره احس طول اليوم متوتره ابي اقراها بسرعه عشان ارتاح واحس كأن العمل ذا يشقيني وتعوذ من شيطان واستمر وكل ما انوي شي يجيني نفس شعور احس بثقل ومتوتره طول اليوم ابغى بسرعه اخلص منها مابغى اركز كيف اقدر اوقف ذا شي ؟

#تساؤلات |

#تساؤلات | لي شهر على نظام حميه ورياضيه وزني ماينقص ابد. وحللت غدة. كلها سليمه الحمدلله. تعبت من الحميه والرياضيه. ايش الحل غير التكميم. رحت جراحه وسمنه. وشرحت وضعي ممكن تنحف وممكن لالا. ادعولي انحف بصحه وعافيه.

#تساؤلات | عندي مشكله جلدية في منطقة الموخره مليااانه نقط سودا وكلف هل في حل فالعيادات؟ قلت أستشيركم لو احد جرب شي ونفع معاه .. ضايق صدري سويت مقشرات فالبيت كثير ولا نفع

#تساؤلات | سويت عملية دوالي خصيه وصار لي ١٨ يوم عندي تورم كيس الصن ومكان العمليه متحجر وش الحل

#تساؤلات | أنا في #الرياض وأفكر اروح ادرس في الحرم المكي او المدني فهل يوجد سكن للطالبات قريب من الحرم

#تساؤلات | انا استخدم حبوب نفسيه من سنوات كنت اراجع في مستشفى الامل بسبب ظروف وقفت المواعيد صرت اشتري العلاج من برا
الان لي فتره تعبانه نفسيتي لكن مقدر ارجع اراجعهم ثاني خلاص والعلاج مقدر اوقفه
ايش اسوي تعبت

#تساؤلات |