#تساؤلات | السلام عليكم
عندي معاملة زواج وصلت الشؤون الأمنية من سعودي الى اجنبية مقيمة داخل السعودية كم تقعد المدة في الشؤون الأمنية؟
وكيف اعرف انها خلصت من عندهم ورجعت للإمارة .

اللي يعرف ياليت يفيدني ،، وشكراً لكم

#تساؤلات | السلام عليكم
عندي تساؤل انا موظف بشركة وراتبي 3600 وجاني عرض وظيفي من شركة اخرى براتب 5000 وبنفس المنطقه
لكن المشكله ان شركتي حاطه شرط بالعقد الوظيفي ان مايمدي استقيل بسرعة لازم انتظر شهرين او ادفع راتب شهرين وش الحل الامثل؟؟

#تساؤلات | طلبت من شي ان اكثر من طلبيه في اوقات مختلفة ورجعت الطلبيه لهم بس فلوسي مارجعت لي كيف اعرف طريقة استرداد المبالغ في شي إن

#تساؤلات | السلام عليكم انا انخطبت وعرفت كل شي عن اللي خطبني الرجال كويس وكل شي وفيه أشياء كثيره حلوه بس اللي مخليني أصر اني ارفض طوله قريب من طولي وانا الطول عندي من اهم الصفات الشكليه عندي جداً جداً اللي مقدر اتغاضى عنه مدري تشوفون هذا سبب مقنع اني ارفض او لا ابي رايكم بنات

#تساؤلات | انا من فتره سويت فسخ نكاح لكن يجيني تفكير انه انا باقي صغيره واحتاج سند بالحياه واحد يهتم فيني ومن حقي اني اتزوج واعيش الحياه انظلمت بزواجي قبل والحين خايفه لان معي اطفال كيف احد يتقبل ياخذ منفصله مع اطفالها افكر فيهم اهم مالهم ذنب ولاانا لي ذنب ولااقدر اخليهم لأبوهم مايدري عنهم ابي اكون معهم تحت سقف واحد او اجلس معاد افكر بزواج واربي عيالي ايش تنصحوني؟

#تساؤلات | السلام عليكم عندي ثلاثه اولاد وبنت وترتيب البنت الثالث وهم باقي صغار ودايم ادافع عن بنتي لانها حنونه علي اكثر منهم بس يضربوها وهي نكديه بعض الشي
ولكن هل يتغيروا بعد فتره والا دايم كذا الاولاد مشاكلهم واجد؟

#تساؤلات | احس بألم غريب بساقيني شعور كانه وهمي أتضايق منها واحس ابي امشي عليها لا حسيت اني مشيت وتعبت العضله يروح الشعور واذا ارتخيت بالذات عند النوم يرجع لي ذا الشعور مضايقني تنمل او وهمي احد يعاني زيي ؟؟؟

#تساؤلات | انا فيني حيره من امري مملكه من شخص تفكيره غير عن تفكيري تماماً يعني (بدوي) بالتفكير والسوالف وانسان حق ابل انا بنت عاديه بس ماعرفت كيف اتعامل معاه وقلت له عن الموضوع ذا نقد علي قال تتعلمين وتتعودين وقال كلمه لي ببدايه ملكتنا ماكنت فاهمتها (ترويض) هذي الكلمه للحيوانات تنقال! قال لا محشومه
ومن غير انه يطلب صور لي (غير لائقه) وحنا بفتره ملكه ويقول زوجتي عادي اقوله صح زوجتك بس غلط بفتره ملكه ويضحك ! انا تعبت انسان غريب مندفع ويقول شي واذا زعلت يقول امزح زي (الضرب وطبخ الذبايح)
انا مابي اظلمه ولا ابي اظلم نفسي افكر انفصل دامنا بملكه وماخذت مهر بس هو رافض الانفصال يقول ماطلقك لازق فيك وش اسوي ؟

#تساؤلات | هل صدق الفود ترك صارت برسوووم ؟؟ ودي اتأكد كيف برسوم شهريه !
يقولون ٤ آلاف وثلاثه سلامات والله لو أني أبيع ذهب احد يأكد لي هالمعلومه ؟

#تساؤلات | انا انخطبت لشخص كويس جدا وكنت بتملك عليه بعد ثلاث ايام، بعدها تقدم لي الشخص الي احبه وكنت ابيه وفكيت خطبتي مباشرة ووافقت ع حبيبي وتملكنا واختلفنا بأمور كثير واهملني وتركني بمنتصف الطريق وتطلقنا ..
الشخص الي كان خاطبني ما تزوج ولا خطب بعدي وعنده علم اني تملكت و انفصلت هل يوجد طريقة تخليني ارجعه؟ لاني ادركت اني خسرت شخص كان مناسب لي وكويس مرة كيف ارجعه او افتح معه موضوع بدون مايطلع شكلي اني قليلة ادب
( لأن هو عنده علم اني منفصله مو حلوة بحقي اتواصل معه وموضوعنا منتهي ) بنفس الوقت اقول ممكن هو خايف يتقدم مره ثانيه و أرده لازم ابادر
وش التصرف الصحيح

#تساؤلات | السلام عليكم ،، استفسار
كم المدة التي يستغرقها دعوى فسخ النكاح ؟
وكم جلسة اذا كانت المراه تريد الطلاق بسبب تعرضها للاذى من زوجها ؟ تعنيف جسدي ولفظي الشاهد على التعنيف ابنتها وليس لديها تقرير طبي فهل هذا يؤثر في قبول طلب الفسخ ؟

#تساؤلات | فالبداية اتمنى الكل يدعيلي الله يهدي زوجي ويسخره لي وكل وحدة متزوجة المهم انا متزوجة وزوجي وضعه المادي صعب عليه ديون ومايجي ربع الشهر الا راتبه مخلص انا مقدره والحمدلله لكن حاولت معاه اتوظف رافض وانا ما عندي غير ثانوية يعني مافي مجال غير استقبال في مستشفى او مول وهو رافض عشان الاختلاط قلتله انا بتستر ونتوكل على الله لاكن رافض ممكن تعطوني حلول كيف اقنعه او كلام اقوله له .......

#تساؤلات | السلام عليكم انا جاني عرض وظيفي ويبغوني اداوم وهم لسى ما ارسلوا العقد وكذلك وصلني اشعار مباشرة من يوم الجمعة وانا اللي اعرفه الدوام ٦ ايام عمل والجمعة اجازة فيه استغلال في الموضوع او شي ماني فاهمه

#تساؤلات | انا ابي مساعدتكم الله يرضى عليكم ، انا بنت موظفه، اول ماتوظفت ابوي اصر علي اخذ قرض له مع انه ماكان بحاجه له وخذيت له تحت الضغط وقتها كنت متغربه وعندي شقه واجار ومصروفات ، قدّر الله علي الحمدلله اني نقلت عند اهلي
وقطعو عن ابوي حساب المواطن حسب كلامهم بسبب راتبي وابوي انهبل علي يقول انتي تسددي الفواتير لانك سبب فقطعته ورفضت وجلس يتحسب علي ويدعي علي وانا ماهان علي يصير كذا
اللحين اقدر انزّل نفسي من حساب المواطن حق ابوي ولا اجيب عقد اجار ولا اش اسوي وجهوني .

#تساؤلات | انا عروس والعرس على اهل المعرس ولأني بنزف جبت مصمم على حسابي و اضفت كوشه وبوابه واضاءات فالقاعه لان اهل المعرس ماضافوها ….. المهم المصمم كلم القاعه وخبرهم انه بيشتغل بالقاعه واتفق معهم على ترتيبات العمال وكذا ،، وهم كلمو اهل المعرس وعلموهم من باب العلم بس المفاجأة كانت انهم عصبو وقالو للقاعه لا تضيفون لها شي مالها دخل العرس عرسنا انا مافهمت عقليتهم بس انصدمت!.. هم من قريه وادري صعبين بالتعامل عشان كذا دفعت كل شي بدون مااكلمهم واطلب منهم يضيفون لي شي بس ماتوقعت لهالدرجة!..
بعدها المعرس قلب علي ويلمح اني ناويه شر واني ناويه افرض رأيي من اللحين ويتكلم ان الحرمه الي تفرض سيطره تتطلق على طول ……. في ناس كذا عقلياتهم؟ ولا انا غلط!!!!!..

⁧#تساؤلات⁩ | تعرفت على وحده عن طريق قروبات الواتس حق الجامعة وحبينا بعض لنا سنه ونص الى سنتين وكلنا من الجنسية اليمنيه اهلها مقيمين هنا ومتملكين بيت هنا عكس اهلي متملكين باليمن المهم كل ما اكلم البنت ابي نجي نخطب تقول خايفه اجل الموضوع ماجا الوقت المناسب وبعدين واصبر وصبرت لين وافقت البنت ابوي هنا بالسعودية كلمته وافق وكلمت امي باليمن انبسطت وبدت إجراءات تجديد الجواز هي واختي عشان يجون يخطبون لي يوم البنت شافت الموضوع صمله لالا كلمهم يصبرو رغم ان بيجون امي واختي شهر ٥ ميلادي ٢٠٢٥ والبنت تقول انا اهلي صعبين واخاف اكلمهم وانا انسان ابيها بس تعبت من كثر التاجيل يعني يوم شافت اني جاهز وبجيب اهلي رجعت كنسلت وفجاء تقول امي اليوم تقول من حالها ك سوالف lنه ماوافقت تزوج اخواتي الا لان اهل ازواجهم متملكين هنا وانا فهمت من كلامها انها تقصد اهلها مابيقبلون لان املاكنا وناسنا في اليمن مو هنا يعني مو مستقرين هنا وترجع البنت تقول اصبر ناخذ وقت زياده ونشوف ابي مشورتكم لان الموضوع تعبني

#تساؤلات | انا عندي الم في رقبتي من ١٠ سنوات تعورني من يمين ويسار ولازم اطقها على شان يخف الألم الي يعرف احد او عياده في الرياض يقول لي وشكرا ودعواتكم لوً سمحتو

#تساؤلات | سيارة مسجله بإسمي وما اقدر اسوي تفويض لأن اللي يقودها عنده مخالفات مروريه ، دفعت مخالفاتها اللي تسببها علي والآن أبي أشيل اسمي منها ولكن أجهل بهالأمور ولا اقدر أبيعها لأنها هو مشتريها بماله ، سؤالي ايش مفروض اسوي نظامياً حتى أشيل اسمي منها لأن مازال تجيني مخالفات ولا ابيها بإسمي ابداً افيدوني بالخطوات ممنونه و جزاكم الله خير ..

#تساؤلات | السلام عليكم ممكن تسأل ابغى افضل دكتور بالرياض او الغربيه مجرب لعملية الناسور ابغى شاطر ومجرب اختي سوتها بالحكومي وفشلت ونبحث عن افضل دكتور مجرب اهم شي

#تساؤلات | بشرتي جافه جداً
اقدر اعمل تقشير وسكراب كم مره بالاسبوع ؟
او اكتفي بالصابون والترطيب فقط ؟