#تساؤلات | احتاج احد يوجهني ..انا عمري 20 فيه وحده تقرب لي ما ابغا اذكر صلة القرابه كبيره عمرها 65 سنه تقريبا عرفت واحد يشتغل بالسوق اجنبي وهو اصغر منها بكثير ما اعرف عمره بس يمكن بالثلاثين المهم انها صارت دايم تروح السوق عشانه وصارت بس تجيب طاري الزواج ومعرف ايش شكيت بالوضع وشفت الواتس لقيت انها ترسل له كلام حب وصورها واغاني اقسم بالله صدع راسي وهو مايرد عليها لكن جوالها الكل يفتحه اخاف احد يشوف الكلام وتصير مشكله كبيره ما في احد اقدر اكلمه من الحريم يعني مافي الا الرجال وبتصير مصيبه لو عرفو اقسم بالله اني مستحيه حتى اكلمها يعني وحده قد امي تسوي حركات المراهقين خايفه ادخل نفسي بالموضوع وينقلب علي (للمعلوميه شفت كلام كبير ماينسكت عنه يعني يقدر يبتزها ماديا بأي وقت ) وش الحل افيدوني ؟

#تساؤلات | السلام عليكم انا من اليمن وتقدم مواطن سعودي لاحد بناتنا للزواج وهو رجل متزوج وعنده عيال طبعا البنت مطلقه ووافقنا لكن شرطنا عليه يسوي موافقه من قبل الجهات الرسميه في السعوديه حتى نضمن مستقبل البنت فيما بعد قال مايقدر يسوي موافقه قبل الزواج كونه متزوج ويريد ندخلها له فيزه عمره ويملك عليها عبر مأذون وقال بعد شهرين يبدأ يعامل لها ويقدم عبر تطبيق ابشر بالمنصه لكن سؤالي ايش الي يضمن لي انه بيعامل لها بعد الزواج وهل فعلا انه مايقدر يعامل لها قبل الزواج كونه متزوج فارجو منكم ان تفيدوني جزاكم الله خيرا.

#تساؤلات | عندي مشكله تواجهني الي هي عدم ثقه بالنفس وحياء مع الناس مع اني قبل خمس سنوات ابداً ما كنت اعاني من نفس المشكلة وكنت انسان
طبيعي …لو صار لي اي موقف محرج زي لو الدكتور سالني وما عرفت الجواب قدام الطلاب وانحرجت اجلس افكر فيه لاشهر وسنين مع ممكن يكون موقف تافه لكثير من الناس بس انا يصير زي الذكرى المزعجة افتكرها بين فتره وفتره وتضايقني كثير …هل فيه احد مر نفس الشعور وكيف اقدر اتخلص منه؟

#تساؤلات | كيف اتصرف مع المدير اللي بس يسأل اي شخص جالسه اتكلم معه (وش تقول) + كيف اتصرف مع الزميلات اللي اذا شافوني قالوا جت جت ! ويحشون فيني مع مديرنا؟
أحتاج ترشدوني

#تساؤلات | السلام عليكم
عندي مشكله مو عارفه لها حل كل ما فتحت مشروع تجاري بسيط على قدي من البيت أو من اللاب توب خدمات طلابيه تروح اختي وتشوه مشروعي عند الجميع ، رغم أنها متزوجه وعندها خير الله يبارك لها وأنا وعيالي عايشين مع امي بسبب مشاكل بيني وبين أبوهم واحاول اشغل نفسي بشي مفيد وما اكلف على امي بطلباتي ولا احسس امي ان في شي بيني أنا وأختي
لاتدعون عليها ، أنا ابي حل تعبت قسم بالله

#تساؤلات | السلام عليكم .. بالله ما هي اسماء محلات المكيفات بالدمام المشاركة في المبادرة لاستبدال المكيفات القديمه بالجديد … دلوني على اسماؤها ؟

#تساؤلات | السلام عليكم ، توي شريت سيارة جديدة وابغى افضل محل في الدمام يدلع السيارة من ناحية تظليل السيارة و حماية النانو و تنجيد وحماية المراتب وكلها تكون جودة عالية

#تساؤلات | للنساء الي اكتشفوا خيانات ازواجهم لهم في السابق يعني اقصد قبل مايتزوجوهم شلون قدرتوا تتخطون وتسامحون؟ والله اني عايشه معاه مثل الميت وماني طايقته ولا لي الا سنه متزوجته وكشفته. عجزت اغفر له ماضيه وحاشمه عشرتي معاه عشان عندي منه بنت. ابغى اسامحه عشان بنتي بس عجزت لان ذيل الك*لب عمره مايتعدل فحسبي الله ونعم الوكيل والله يربط على قلبي تكفون ادعوا لي

#تساؤلات | أنا أم وتركت وظيفتي الحكومية لأنها بمدينة ثانبة علشان اصير قريبة من أولادي وبعدها عانيت من ظروف مادية سيئة جداً وجربت التجارة ماضبطت معي وعندي لباقة وشكل واسلوب واريد وظيفة راتبها عالي مهما كانت مهلكة ومتعبة ولو خاصة بس راتبها عالي
السؤال وين ممكن أحصل وظيفة زي كذا؟

#تساؤلات | وش الحل مع الاب اللي يفتعل المشاكل مع الابناء ويدعي عليهم لانهم رفضو ياخذو له قرض مع انه محد شايله غيرهم، عياله من الاولى مادروا عنه ؟ يذكر ان القرض عشان يزوج ابنه من زوجته الاولى ؟

#تساؤلات | ابي اسماء كاميرا مراقبه بدون نت يعني اذا طلعت تسجل او تكون مباشر اهم شي انها ماتحتاج نت

#تساؤلات | مساء الخير ابي استفسر عن افضل طبيبة نساء وولادة بالرياض تكون بالحبيب او بسليمان فقيه الله يرضى عليكم ..

#تساؤلات | كيف اصير انسانه ما اقارن حياتي باحد تعبت دايم احس اني ناقصه من تزوجت زوجي مايجيب لي هدايا ولا يدلعني زي صديقتي كل شي زوجها جايب لها وسفريات وانا من تزوجت حظي صار زفت زوجي وضعه ماش والله انه طيب وحنون لكن تعبت منه ومن نفسي الي تقارن وفوق هذا تنازلت عن اشياء كثيره منها قسم شقتي وسكت عشان اساعده بس احس كل شي اسويه كويس ينقلب و مانقدر نسافر ادعو ربي يفرجها علي وانصحوني بدون تجريح

#تساؤلات | السلام عليكم ممكن حل يفيدني زوجي بيطلقني وكلم اخوي قال بطلق أختك بس ترجع مهري كامل ٥٠ ألف واحنا أيتام وأخوي صغير عمره ١٧ والكبير مامنه فايدة مدمن وامي تعبت بس ماسكة رأسها من وين اجيب ٥٠ ألف والله إني ماقصرت معه بس هو قال طابت نفسي ومو راضي يقولي السبب بسال الحين إذا رحت القاضي بإيش يحكم وهل ارجع المهر هو حتى ذهبي خلاني ابيعه

⁧#تساؤلات⁩ | عمري ٢٧ وانحرمت من الدراسه وماعندي صديقات كلمت مأذون انكحه عشان يدور لي عريس كيف اصارح اهلي والخاطب و اهله ايش بيقولون لأهلي اتواصل معاهم قبل وافهمهم انه ما ابغى يعرفون انه عن طريق مأذون انكحة متوتره وما اعرف كيف اتصرف ولو تم الموضوع اصارحه اني حياتي زفت مع اهلي وان هم سبب حرماني من التعليم ولا ايش أسوي خصوصا اني ما اطلع من البيت نهائيا

#تساؤلات | السلام عليكم
انخطبت رسمي من كم يوم وللحين ما اعطينا موافقه لكن عندي كم حاجه ابغا اساله عنها قبل مااوافق مثلا وين بسكن مع اهله او لحالنا وعن حالته الماديه ما ابغا اوافق وبعدين لما ما يعجبني شي ارفضه ،شلون اساله بالتفصيل هل اتواصل معه بدون علم اهلي تشوفون مناسب او ما يصير؟

#تساؤلات | رحت اكلم زوجي بهدوء حاولت امسك اعصابي صار يغلط علي بأبشع الكلام ونا اصلا نفسيتي تدمرت من المشاكل معه عصبت وقلت له كلام جارح زي م جرحني حسيت وقتها مو لساني يتكلم قلبي المهم طلقني وعادها كم مره وشال ولدي الصغير معه ولا رجع فجعني على ولدي فوق الطلاق..وهوا عصبي صعي تتفاهمي معه صعب ايش تنصحوني اسوي ؟

#تساؤلات | السلام عليكم بنات تكفون انا بفتح مشروع حلا وبحثت وحاولت ابتكر حلا جديد ماطلع معاي وبحثت احس كله مكرر ابي حلا جديد فيه نكهة سر اللي تعرف لاتبخل وانا بنت على قد حالي وحاولت ابحث عن وظيفه وعمل ولكن ماحصلت ومالقيت الا اني افتح مشروع ياليت تساعدوني وجزاكم الله خير

#تساؤلات | السلام عليكم وظيفة المبيعات في مجال البنوك وخاصه الفروع هل فيها مخاطره عاليه اذا الشخص ماحقق التارقيت يمسك الباب ؟

#تساؤلات | انا متخرج من الثانوية من ٤ سنوات وماكملت الجامعة وندمت والله لعبت حتى اقتنعت انو مافي غير الشهادة جبت قدرات ٥٧ والثانوي المعدل ٦٢ وما اختبرت تحصيلي
ابغى اكمل جامعة؟بغيت ادخل بالفلوس تخصص شريعة قالوا ما اختبرت تحصيلي وانا بطور نفسي السنة ذي وادخل الجامعة السنة الجاية انا من مكة
سبق دخلت كلية الحرم بس ماكملت لانو علوم شريعة بحتة وانا خريج ثانوية عامة
ابغى نصايحكم لي ؟؟