#تساؤلات | السلام عليكم أنا اتوظفت من سته شهور وكنت مبسوطه بعد عوض الله وظيفة افضل من الوظيفة السابقة ولكن صار شي خرب نفسيتي كان زميلي بالعمل يلاحقني ف كل مكان بالعمل ويساعدني بدوامي بدون اطلب منه وعيونه دايم علي أنا الوحيده بين موظفات بالبداية كنت اخاف منه لكن اتعلقت فيه وصرت انتظر اشوفه كل يوم ولكن من اسبوعين جأت موظفة صار يتعامل معها نفس اللي صلح معي مدري ايش صار فيني قلبي يعوريني واشوفه نظراته وحركاته واتغير علي كثير أنا ما بادرت ولا بيينا تواصل خارج الدوام ولا رقمه ولا شي ولكن اهتمامه فيني ونظراته لي علقتني فيه كيف أتعامل مع الموضوع ولا كانه صار شي خصوص الاداره تمدحني ما ابغى اخسر شغلي عشان واحد ما يخاف الله نفسه !

#تساؤلات | السلام عليكم أنا العين اليمنى فيها حوّل وعمري 32 ابغى أفضل عياده عيون بالرياض لعلاج الحول وابغى اسوي عمليه

#تساؤلات | السلام عليكم بسالكم اختي اولى ابتدائي عمرها سته تقلب الارقام العربية مثلا ٦ و٢ و٣ و٩ تشقلبها بالجهة ومثلا حرف ح و ص و ر تقلبهم جهة هل طبيعي ولا اروح مختص ؟ خفت صراحه

⁧#تساؤلات | توفى طفلي عمره ٥ سنوات غرق في خزان مستشفى هذا الكلام عام ٢٠٠٣ تواصلت معنا صحف واخذوا التفاصيل وتم نشر صوره لطفلي كان لدى أبوه صوره واحده ومع الأسف ضاعت
كيف أتواصل مع الجريدة واشوف صورة أبني ؟ واشوف كيف طاح لأني وقتها رفضت اسمع اي شي عنه .

#تساؤلات | صديقتي تبغاني اكفلها تطلع قرض هل اقدر اطلع قرض بعدين.

#تساؤلات | سلام عندنا بالقرية حريم يدخلون بيتنا ويتكلمون عنا شوهوا صورتنا احنا البنات صار ماحد يخطبنا كل أسرار بيتنا مسربة امي تقول لخالاتي وخالاتي مايخافون الله يتكلمون عنا ومايقولون اي كلمه عن بناتهم
هل هالشي يأثر ع زواجنا ناس صاروا مايخطبونا كلامهم عنا طبعا بحدود يعني مو شرف أبدا وش الحل هل هالشي يأثر ع زواجنا لان من سابع المستحيلات اننا نترك القرية وزواجنا تأخر وش الحل

#تساؤلات |

#تساؤلات |

#تساؤلات | انا زوجي ماعنده مانع اطلع كوفي مع اهلي او اهله لكن اطلع كوفي مع صحباتي يرفض يقول صحباتك بالبيوت تتقابلون
بس ابي اعرف وش تفسير هالرفض هل هو عدم ثقة فيني؟
ابي سبب عقلاني مابي تحريض رجاءً

#تساؤلات | زوجتي راحت اشتكتني في القسم والخلاف الي حصل بسيط ما يستدعي أنها تروح الشرطه والله محتار أرجعها من بيت أهلها او أتزوج عليها والمشكله بينا عيال

#تساؤلات | كيف ممكن احصل على كفيل لصندوق التنمية الاجتماعي ؟
طلبوني كفيل موظف حكومي راتبه فوق 10 الاف ريال لمشروع تجاري نقل حاويات في جدة والمشروع يبقى باسمهم ..
ماعندي مانع اعطيه 5 الاف ريال شهريا لمدة التمويل كامله ⁩

#تساؤلات | بعد وفاة زوجي بفترة دخلت مجلس الرجال ولقيت في درج صغير ورا الباب فتحته لقيت كميات كثيره من بطايق سوا يمكن ٥٠٠ واكثر الشريحة الذهبية الي داخل شايلها ومحتفظ بالبطايق استغربت ليه وش يبي فيهن ولما نظفنا سيارته كذلك بدرج السياره في كميات كثيره من بطايق سوا بدون شريحه وش سالفتهن الي يعرف يقولي

#تساؤلات | السلام عليكم مين افضل دكتور سرطان المعده في جده ؟Last editedOpens edit history

#تساؤلات | بعيدا عن مواضيع الزواج والطلاق، ابني بالابتدائي جائني قالي بابا انا عندي بكره حصة رياضة وكلنا بنلبس تيشيرت الهلال عادي اخذ تيشيرت الهلال القديم معي واعطيه صديقي؟ قلت ليش ماعنده؟
قال لا ابوه إتحادي ويقوله والله ما اشتريه لك!
وقالي جيب لي حقتك الثاني!
انا قلتله مافي مشكلة خذها معك
لكن الأهم ما رأيكم في تصرف هذا الوالد؟

#تساؤلات | عمري 30 و امي و اختي خطبولي بنت و شفتها نظرة شرعية والله يهديهم قايلين لي ان عمرها ٢٧ و كل شي عاجبني فيها و في اهلها بس المشكلة وقت ما سويت تحاليل الزواج ارسلو لي هويتها و شفت انها اكبر مني ب ٦ سنين و الشي هذا ضايقني مع اني اشوفها بنت صغيرة هل مشكلة ان الزوجة تكون اكبر من الزوج وهل بيسبب الشيء هذا مشاكل فالحمل لاني صدق ابيها و راغبها

#تساؤلات | حبيت واحد لتسع سنوات وجاء خطبني من ٧ اشهر وللحين ماحدد الملكه وكل مافتحت الموضوع احس يعصب ويجيب اعذار زي انتظر الراتب يرتفع او انتظر الجو يزين و يبرد علماً بان وظيفته حكوميه وراتبه عالي ويقدر يطلع قرض بنفس الشهر متعلقه فيه وهو مايبي يتركني ولا يبي يحدد وقت
محتاره اكمل ولا اتركه ؟

#تساؤلات | مساء الخير أنا اشتغل تاكسي وفي عميلة ارسلت لي ابيك ضروري جيتها وديتها مشاوير خاصة وبعض الفلوس اعطتني كاش والبعض حوالة زوجتي تقول انت متزوجها وريتها صورة محادثه ووين المشاوير وعلى كم اتفقنا وحولت لي ووريتها وصل الحوالة لكن هي لم تصدقني تقول هذه زوجتك وهذا اتفاق بينكم من شأن تقنعني فلما قلت الحرمة متزوجة قالت نعم متزوجتك أنا كيف اقنع زوجتي زعلانه لها اسبوع ماتحكي معي الا قليلا آمل تنزيلها وانا سوف اتابع الردود واتخذ الإجراء المناسب

#تساؤلات | السلام عليكم ، انا بنت عمري ٢٦ ورافضه فكرة الزواج حتى الشوفه ارفضها بسبب عندي وحمه بارزه صايره زي الجلد البارز ولونها مختلف عن بشرتي تحت اذني مسببه لي تعب نفسي واستشرت فيها اطباء الجراحه راح يزيلونها لكن راح يبقى اثر للخياطه و خوفوني مره انا نفسياً متعبتني ماعمري رفعت شعري عشان ماتبان واهلي رافضين اشيلها يقولون مو مأثره حاولي تتقبلينها اللي قد سوا ازاله يفيدني بتجربته لاني والله نفسيتي متدمره

#تساؤلات | متزوج من ٢٠ عام املك منزل ولله الحمد يعلم الله انني في حيره من امري زوجة لاتهتم في بيتها ولانظافه ولااي شيء من مهامها في البيت كزوجه ولاتعرف تربي تعتمد عالخادمه في معظم امور البيت لاتطبخ الا قليل جدا اغلب الطبخات من خادمه نكديه وزعول واذا زعلت تترك البيت وتذهب لاهلها وتهدد بترك اطفالها وزاد وضعها وعدم اهتمامها هذه السنوات ويعلم الله انني اجلس معها واوفر لها اللي تبغاه بحدود استطاعتي طلبت منها ترك وظيفتها والاهتمام بالبيت والاطفال والتربيه رفضت وزعلت لدينا اطفال ومراهقين الشفقه على اطفالي يعلم الله ولااريد ان يحسو بمشاكلنا وظيفتها قطاع خاص ماهو الحل برأيكم؟

تساؤلات| اختي مراهقه عمرها ١٥ ماتصلي ولا تتغطى وهي بالغه من ٣ سنين تقريباً وتحسب نفسها طفله للحين اذا بغت شي وماجاها تقعد تصيح ع امي وامي كبيرة سن ف علطول تعطيها علشان ترضى ذا كله مو مشكلتي لاني نصحتهم الثنتين انا مشكلتي ان اذا اختي عصبت امي ورفعت ضغطها وقعدت تصيح عليها امي تفصل علي انا وتبدا تلومني وتقول ليه انا جالسه بدون ما اسوي شي قصدها يعني تبيني ارضي اختي واجيب لها اي شي تطلبه واخدمها علشان تسكت لدرجة ان حتى اكلها امي تجيبه عند راسها والي متأذي بالحياه معهم هو انا لان امي عاجبتها تربيتها هذي وماراح تغيرها ولان اختي مستفيده منها ف انا يجيني اللوم كله عطوني حلول ؟ لاني صرت ما اطيق الحياه معهم لدرجة ان امي صارت تطنشني وماتكلمني واسالها ايش سويت ماعندها جواب