#تساؤلات | مشكلتي اني احس ببرود من العلاقة و تعبت وانا اجامل وزوجي بدا يتضايق ويزعل واني مقصرة ، انا انشغل ب امور كثيرة منها البيت و افكر بالمستقبل و و العمل 12 ساعه ولكن عندي اوفات ووفرت عاملة حتى ما اقصر تجاهه ، مع ذلك الرغبة عندي انطفأت كيف اكسبه والان هو هجر النوم عندي

مشكلتي متزوجه لي ٣ سنوات وعندي طفل حمدلله وهو اجمل شي بحياتي لما تزوجت قبل كان بالغصب من ابوي لاني موظفه وراتبي كويس وخايف أتزوج واحد يضحك علي زوجني ولد عمي وانا ماكنت متقبله وابكي ليل نهار ولا تهنيت زي لي بنت بزواجها تقبلت وصبرت ورضيت باللي كاتبه ربي مع الايام اكتشفت انه انسان ممررره مهمل نظافته حتى ملابس مايشتري له بخيل وحتى ريحته مايهتم لها وانا كنت موسوسه من ناحيه النظافه حتى صلاه مو مره فيها عانيت معاه مره اتكلم انصح ماينفع وبديت احس انه طمعان براتبي وصاير يطلب مني كثير ساعدته بس طفشت م احس اني متزوجه رجال يصرف على بيته وفوقها مهمل بنفسه وبخيل الهديه م اشوفها لو بسيطه عادي مافي أبدا ب الفتره الاخيره حسيته متغير ويجلس على جواله كثير ودخلت جواله ولقيت كل الحسابات له حساب جديد يفتحها إذا رحت الدوام وينبسط مع بنات ويتابع حسابات وسخه يعني فوق اني مغصوبه عليه لقيت كل ذا فيه لا اخلاق لادين لانظافه لايصرف زي الناس ولحد يقول راتبك زين ساعديه أنا مساعدته وحتى ولدي اصرف عليه هو يادوب اول راتبه ٣ ايام بعده ماعنده مطفر تعبت الصراحه وطفشت كل م اقول بوقف معه بساعده اندم عطوني رردودكن ب احترام

#تساؤلات| هذا اول رمضان لي مع زوجي واكتشفت انه مايصوم شنو الحل عنده تهاون بالصيام يعني مثلاً يقولي عادي بس هاليوم افطر واصوم الباقي وصلاته مو متأكده اذا يصلي بإلتزام او لا شنو الحل ابي حل القى له نتيجه + انا جداً اخاف من الشخص اللي يتهاون بأمور الدين احسه مايخاف من ربه .

#تساؤلات | ليه هالمشكله صرنا نشوفها بكثرة وش أسبابها ؟ تزوجت قبل اشهر وزوجي مادخل علي وأوقات يسبني بدون سبب وأشياء كثييره شفتها بعد الزواج فجأه يبي يطلقني وقالي أنه مايقدر يدخل علي اقسم بالله انه كسرني لييه يتزوجني إذا ماهو قد الزواج خافو الله ببنات الناس وحسبي الله ونعم الوكيل.

#تساؤلات | هل راتب 13800 يعتبر زين ؟
مع العلم اني ماعندي ولا دين ولا اي التزامات ولله الحمد، وعمري 24

#تساؤلات | هل اللي يتطلقون ينكتب بصك الطلاق سبب الانفصال؟ يعني تزوجت مره ثانيه ودخل زوجي بأبشر او شاف صك طلاقي السابق يقدر يشوف سبب طلاقي ؟

انا متزوجه وجبت اول مولود والحين الله يحفظه كمل عمره ٤ اشهر وزوجي ما جاب لي هديه او عبرني !! احس شايله بخاطري عليه عجزت اتخطى انه ما جبر بخاطري لو بشي بسيط

وش الحل مع الزوج سي الخلق غير الطلاق ! متزوجه من ٣ سنوات بدون أطفال وعمري ٣٧ خايفه من الطلاق ففي هالعمر الرجل بذي اللسان وطويل اليد وحياته لاهله بس ويكرهني مو راضي يطلقني مافهمته عن اهلي من اسبوع هل فيه فرص لي بالزواج في هالعمر

عندي سمنه مفرطه تعبت نفسيييا. فاقدت الامل بالنحف. ورني عالي عالي جدا جدا. من رجع وزني ونا متحطم. كثير. صرت بعض الاحيان اصلي على كرسي. ابغ حل من غير تكميم. رغم ان اكلي قليل. ماعاد لي نفس للاكل زي اول

ــ
وين ارخص مكان يبيع حفاظات بيبي جوي ( كرتون ) بسعر مخفض جدا .. تفكون محتاج ضروري.

السلام عليكم .. متزوجه لي تقريبا سنتين ياناس كأني اتعامل مع طفل وهو عمره فوق الثلاثين ومايبي مسووليات ولا فيه اهتمام ومب فاهم في الحياه الزوجيه شي غير الاكل حتى الصلاه يسحب عليها احيانا معقوله بها العمر ووظيفه راقيه وبها العقل ما ادري شسوي هل مع الزمن بيتغير وبيفهم ويتحمل مسووليات والا شسوي !؟

السلام عليكم

حولت لخطابة عربون ٢٥٠ ريال و سرقتني و نصبت علي. عندي بيانات حسابها و اسمها، و محادثة الواتس. كيف ممكن اشتكيها و اضمن ما تنصب على احد ثاني؟ مقدرة و شاكرة..

انا مطلقه من سنه ومعي ولد عمره سنتين تعبت من مشاكل ابوي مع ولدي ع اتفه الامور يهاوشه ومانعني من الطلعه والطفل يبي يخرج حديقه او يتمشى طفش من البيت وابوي حالف ما اطلعه طلبت من ابوه يوفر سكن و عطاني مصروف السكن لكن ابوي حلف ل يقتلني لو اطلع تكفون وش اسوي هل اطلع و اخسر امي و خواتي العمر كله لان اكيد ما راح ازورهم علشان والدي ما يسوي شي فيني

احتاج #عامله اندونسيه شهر رمضان كل اللي بالمكاتب اثيوبيا واوغندا اذا تعرفون مكتب عنده حاليًا عطوني الله يفرجلكم

#تساؤلات | وش الطرق الكويسه اللي ممكن من خلالها نلقى زوج مناسب؟ عطوني تجاربكم ما أبي العب أبغى الحلال

#تساؤلات | هل فيه عقوبه للسعودي المتزوج سعوديه ، ومتزوج اجنبيه من غير موافقه الاماره ( زواج غير رسمي ) واذا فيه عقوبه كيف الشكوى عليهم #التعليقات السلبيه لا انظر لها

السلام عليكم
الله يرضى عليكم عندي ولدي عمره ٥ سنين لكن والله ياجماعه شكله كأنه ابو سنتين او ثلاث طوله قصير وجسمه نحيف وهيئته ماتوحي انه ابو ٥ سنين ضايقه فيني الدنيا والله اخاف يطلع بسم الله عليه قصير عطوني اي شئ اسويه ويطول ويسمن او أدوية تساعده في الطول بما انه في فترة نمو اي أكلات او فيتامينات تساعده بالطول والسمنه وادعو لولدي من غير شر بالطول الله يحفظه ويحفظكم جميعاً

انا مشكلتي ريحة زوجي لا تطاق تكلمت بجميع الطرق نظافته الشخصيه لك عليها وياكل ثوم وبصل وقسم بالله مهما تنظف ريحة جسمه وانفاسه تلوع الكبد كيف امنعه ياكل ذي الاشياء كرهته وكرهت حياتي والله جاني اكتئاب

انا متزوجه وزوجي بسبب العمل يبعد عني نص الشهر وهوا فالدوام ما يكلمني يتعذر بسبب انشغاله ويوم يرجع ما يسولف معي ولا يجلس ولا يهتم لجلستي ولما اعاتبه يقولي احبك ووعد اتغير عجزت اتقبل وضع حياتي

#تساؤلات | عندي عقدة نشأت مؤخرا بسبب ان صديقتي زوجها وسيم ومعضل ويهتم بصحته ودائما تحكي لي عن مغامراتهم الحلوه وما تستحي كوني صديقتها الوحيدة اما ان زوجي النقيض تماماً وزهقت منه واحس احتاج استشاري نفسي يدعمني ويساعدني افيدوني ارجوكم