الرئيسية

استفسار ٢٧٠٧٩:

بودي اطلع ذبيحة من باب الصدقة وأوزعها للفقراء . وين اوزعها ابغى اضمن مكان للفقراء المحتاجين لها في الرياض ياليت احد يدلني على مكان او جهة تساعدني ؟

جديد
منذ 3 أشهر
18 ردود 1من2

نصيحة قيمة الذبيحة اظهرها (كاش)
وقسمها في ظروف
وروح الاحياء الشعبية بعد العصر
تلقاهم حالسين عند بيوتهم
تخلصها وانت ماشي بالسيارة

ليه توزع كاش؟
صدقني وصل الحال في بعض الاسر مايملكون قيمة مايطبخ او يحفظ اللحمة
وبالفلوس يشترون مايحتاجون من ضروريات لهم👌🏻

// منذ 3 أشهر

ابحث عن المحتاجين من أقاربك وجيرانك

// منذ 3 أشهر

شوفي احد من قرايبكم يكون محتاج ومتعفف افضل

// منذ 3 أشهر

انا افضل يا تشتري خضار بقيمة الذبيحه وتحطها عند البيوت في الاحياء القديمه والاجانب او تحط مبلغ بس ايضاً المبلغ يمكن ياخذه احد لدخان والخرابيط عكس لما تاخذه صاحبة البيت

// منذ 3 أشهر

الله يتقبلها يارب انوني معك لعل الله يرفع البلا عني ويشفيني

// منذ 3 أشهر

لا تروح فيها للجمعيات
روح لوسط الرياض جهة أم الحمام وعليشه والأحياء الشعبيه
وخلها جاهزه في أكياس ومعك طفلين تمشون وتوزعون
ساعه واللحم مخلص

// منذ 3 أشهر

جمعية الشمسي، معكال ، العود ، منفوحة…

اقترح عليك قطع الذبيحة تقطيع ثلاجة كل كيلو او كيلو ونص في كيس
بحيث تكون جاهزة للتوزيع
رح للجمعية وهم يوزعونها معك على المحتاجين ويفضل تتصل عليهم مسبقا
لا تروح لوحدك قد تتعرض لمشاكل وهجوم منهم ومن اطفالهم…..

// منذ 3 أشهر

عندي ناس بالحاير ولله محتاجييين جدا جدا بالاسابيع مايقدرون ياكلون دجاجه وتعال شف بعينك ووزع بيدك قدامك

// منذ 3 أشهر

حراس مدارس البنات سعوديين متعففين ومعهم عوائلهم

// منذ 3 أشهر

صاحب السؤال يجي خاص

// منذ 3 أشهر