ممكن تنزلين تغريدتي والله اني في حيره من امري وصراع مع التفكير انا بنت حافظه كتاب الله ماعمره انخطبت بالرغم اني والله زينه واخاف الله ودارسه بس ماجاني شخص نفس مااتمني واطمح والعمر قاعد يركض والناس كل يوم تحط الحسره بعيون اهلي انه بنت ومو متزوجه ومن هالكلام وقلت خليني ارضى باي شي وامشي المركب والحياة مليانه فوحده دلت ناس علينا
قبل ٤ شهور انخطبت مثل اي بنت يوم الشوفه جاء العريس بيد فاضيه قلت عادي عدينا امه ماجات يوم الخطبه جو خواته اخته سليطه يالطيف كل شيء بشروط وقالتها بالفم المليان زواج بسيط ومهر مايتجاوز١٥الف ولو اخوي عنده ماخطبنا منكم وهو حارس امن راتبه ماتجاوز ٢٠٠٠ قلت مو مشكله بكره بيسير عندي ضنا واتعايش علما اني من عايله الحمدلله واموري زينه هم عدينا الولد يوم يكلم ابوي يناديه بأبو فلان مايناديه ي عمي وهذا اشوف من قل الاحترام وتصدقون مابيننا اي تواصل ابدا مايدقون ولا يسلمون ولا يسألون وتراني مو صغيره اعتبروني اختكم وشورا علي شفناه مره وحده ويوم ابوي يعزمه على بيتنا يقول اشوفك بالشارع بسيارته عشان مايجيب بيده شيء وانا ماهمني بس والله تحز بخاطري ودي اتزوج انسان يشتريني يعامل ابوي بمخافه الله اوافق عشان الفرص اشوفها معدومه واتأمل منه خير ولا ارفض علما كل هالفتره اصلي استخاره وماشفت اي شي ساعدوني الله لا يكسر لكم خاطر وادعولي بزوج سند لي ولكم اضعافها الله يفرج همكم بدون تجريح