السلام عليكم
عندي مشكله اتمنى القى لها حل ، زوجي ينام في النهار ويصحى في الليل عكس نومنا انا واولادي التؤام وجربت قلبت نومي معاه صرنا ننام معاه في النهار انا و اولادي راح هو قلب نومه عكسنا ولما صارحته وسألته قالي انزعج من الاطفال وعندي شغل لازم اخلصه على الكمبيوتر ، المشكله انو انا قلت فتره وتعدي لكن طال الوضع استمر سنه ونص وحنا على ذا لحال مانشوف بعض الا ساعه قبل ماننام مع اني احاول انومهم بدري عشان اذا صحى نجلس انا وياه قبل انام انا لو ساعتين ، لكن يجلس بس يطلب اكل وعلى الجوال ولا يكلمني و بس يتأفف ويهاوشني اذا بكوا الاطفال مايبغى يسمع لهم صوت لا ليل ولا نهار ، يعني ايش اسوي انا مهما حاولت العبهم واهديهم اطفال لازم يبكوا طبيعة الطفل كذا ، وانا ما اسوق هو رافض السواقه واحيانا احتاج اغراض للبيت ولاولادي وهو نايم واحيانا اطفش لوحدي لدرجة ابكي ،انا في مدينه غير عن اهلي ولا توفقت في جيران كويسين ، وهو مو داري عننا ، علما انو قبل اولد كنا ننام ونصحى سوا انا و هو وكان قريب مني لكن من بعد ماولدت تغير جداً ، اولادي عمرهم تقريبا سنتين، انا اللحين وصلت لمرحله اني فقدت الامل فيه وتعايشت مع الوضع خلاص وركزت في نفسي واطفالي وهو اذا صحى اخذ حاجته وانا اروح انام وهو يجلس طول الليل لوحده وهذي رغبته طبعاً ،
لكن تجيني لحظات احس ان لو استسلمت للوضع هذا راح تتدمر حياتنا زياده وراح تصير فيه حواجز اكثر واكثر ، لكن لما ابادر واتكلم معاه انو نحتاجك وكذا مافي فايده مايتجاوب ، ايش اسوي هل اكمل حياتي كذا ؟ او احاول اصلح وضعه؟علما انو البيت مهيء انو يجلس لوحده في النهار ويخلص شغله بهدوء وانا امسك الاولاد بدون مايزعجونه،
رجاء احتاج ردود جديه بعيده كل البعد عن الطقطقه .