السلام عليكم ورحمة الله
مطلقه بدون اولاد العمر فوق 50 سنه كيف احصل على قرض من بنك التسليف احتاج 100 الف بالضبط لايوجد سوا راتب ضمان اجتماعي

زوجي هاجرني ٦ شهور واحس اني مو قادره اتقبله يقرب مني ثاني ابد ، هل هذا طبيعي ولا دخلت في حالة اكتئاب ؟

مادري كيف ابدأ لي سنه الحين وانا تعبانه اشك معي وسواس تخيلو ياجمااعه اخاف البس ملابسي الداخليه قبل ماشوفها اخاف لمسها اخواني اخاف احمل من حمامات بيتنا لازم اغسل الحمام كثير اغسل يديني لين تجف كل شهر انتظر الدوره اخف احمل لازم في الشهر اروح مرتين لدكتوره النساء اسوي ساونار ادعولي

استفسار ٢٨١٠٥:

ابوي بآخر السبعين من عمره لكنه ماشاءالله نشيط ويشتغل بالمزرعة والنخل وحيوي وشبابي ..لكنه الان اصبح يعاني من الفراغ والوحدة عقب وفاة الوالدة الله يغفر لها من سنة.. هل توجد امرأة تتزوجه.. لأننا ماحصلنا له ..هو من القصيم.

السلام عليكم
ابي مطعم ستيك لذيذ بالرياض

انا زوجه ثانيه من زواج عن حب يشهد ربي انه مو مقصر معاي لكن لمن يزعل من بيته الاول يحط الحرّه عندي وتقلبات مزاجيه من لا شي ..صبرت كثير لكن احس وصلت لمرحله انه مايشوفني شي هل ازعل زعل قوي ولو جاء واعتذر اطلب رضاوه كبيره عشان ماعاد تتكرر فعلته ولا اتركه .ماعندنا عيال ..شورو علي

نحن الارامل الي عمرنا في أوج انوثته كتب الله علينا فيه فقد الونيس والعضيد والصاحب الحبيب حدثونا عن التفكير السليم في مثل وضعنا حدثونا كيف الصبر وعن تحمل مسؤولياتنا لوحدنانبكي لوحدنا نضحك لوحدنا نعيش لوحدنامع اطفالنا وعندما اردنا الزواج وجدنا عوير وزوير وعاصي الوالدين يبغونا مسيار

استفسار ٢٨١٠٩:

انا ولدت من ١٥ يوم و من يومها للحين صابني حزن على زوجي اشوف وجهه احزن احبه و اتعاطف معاه لاقصى درجة، اي شي منه يحزني اجلس ابكي عليه فترات طويله من حبي له و البكاء بسبب و بدون سبب.. امانه لو احد مر بتجربتي يفيدني.

متزوجه من ٥ سنوات ولسى ربي مارزقنا بعيال ، صار في حياتنا ملل ومن مستشفى لمستشفى نعالج تعبنا والله وصارت حياتنا كلها عن العيال وحتى السوالف بيننا صارت قليله وفقدنا الشغف وحنا في منطقه مافيها غير مطاعم وكافيهات طفشنا ومانقدر نسافر بحكم دوامه مايقدر ياخذ اجازه حالياً .. ابي افكار

انا عند اهلي واحنا في منطقه الشبكه فيها زفت وزوجي زعل مني لاني اتاخر في الرد عليه اذا ارسل لي مع ان الرد مايتجاوز ساعه وسوالي حظر من كل البرامج وصارلي الحين شهر ماكلمني ولا حولي مصروف ولا جا اخذني ايش اتصرف معاه ؟

السلام عليكم ، زوجي احسه ماهو متقبلني ومايجلس معي ومهملني كثييير ، كلمته و حسيت الاعراض اللي فيه عين او نفس، سؤالي هو هل الشخص المعيون او المحسود يقدر يمارس العلاقة مع زوجته وباقي الحياه ينفر منها؟

انا انخطبت وطبعًا تقليدي وصارت الشوفة وارتحت لأسلوبه بس والله اني خايفه كل الوقت ان مايتقبلني أو ما اتقبل طبايعه لأنه هو من مدينة وأنا لا ومؤخرًا سمعت عنه أنه يحب طلعات المقاهي والحفلات وملابسه اوفر سايز وأنا تمامًا ماأحب كذا وأحب اللي يخطط للمستقبل ومو كل وقته ترفيه

منفصلة بدون أبناء عمري ٣١ جميلة وجامعية وطموحة لكن غير قبيلية وتقدم لي اشخاص كثير لكن بعضهم لم اتقبل اشكالهم او انهم كبار في السن ..تقدم لي الان شخص عادي لكنه مسوي تكميم واستخرت لكن اشعر بصدود في قلبي واختي تقول وافقي لان الفرص قليلة عندنا وانا كمان منفصلة.انا في حيرة احتاج مشورة

بنتي كثيرة البكاء ومزاجها متغلق غالبا بكاءها كثيييير وضحكها قليل حياتي معها صارت متعبة أي مكان اروح له تتعبني فيه بكثرة النق ما أقدر بسببها أجلس مرتاحة بهدوء حرفيا كل أشغالي تتعطل بس النق والبكاء والعصبية لي سنة على هذي الحال الحمد لله على كل حال عمرها سنتين!

استفسار ٢٨٠٥٩:

عندي مخزون الحديد ٤ وجداً خايفه استخدمت علاج لمدة ٦ شهور ارتفع الحديد لكن المخزون لا والأبر فيني ربو وخايفه اخذها ايش الحل؟ وهل فيه احد فيه ربو واخذ ابر وعادي؟

راغبة بالطلاق لأسباب كثير من ضمنها هجر الفراش بسبب عجز، زوجي راغب فيني جدًا ورافض بسبب حبه بس أنا كارهته كزوج مش كانسان هو كانسان كويس جدًا ولكن أنا كرهته كزوج ماني متقبلته ودي اكمل عشان ما اجرحه وهو متعلق فيني بس بنفس الوقت ماني قادرة اتقبله كارهته مرة ونفسيتي تعبت مرة لهالسبب

مشكلتي ام زوجي عندها ولدين واربع بنات وعايشه معنا مع ان زوجي الصغير لان الكبير في منطقة ثانية توني متزوجة وما احس اخذت راحتي في بيتي ابداً وخواته كل شوي ناطين عندي ووهم متزوجات يجون حتى وانا مو مستعده واقعد زي الشغاله مع ان عندها هي وبناتها بيت كبير بس قاعده معاي

استفسار ٢٨٠٥٤:

هل فيتنامين دال اذا ما أخذته وفي نقص يسبب اكتئاب وخوف هل هذا صحيح؟

مشكلتي اني بعيده عن اهلي وبمنطقه غير عنهم وزوجي أغلب وقته بالدوام واطفش دايم لكن الشيء الحلو أنه عندي جيران لكن للأسف عجزت أتعرف عليهم+ أخاف من ردة فعلهم لو حاولت أتقرب منهم أخاف يردوني كيف أتعرف عليهم وبطريقه حلوه؟!

السلام عليكم
انا قدرت اخذ اثر من العائن، كيف طريقة استعماله؟ هل اتوضى به وضوء عادي او اصبه على رأسي وباقي جسمي؟ وكم مرة استعمل الاثر