كان وزني 60 اول ماتزوجت وطولي 160 وحملت وولدت ولدت ثلاث مرات وزني الان 93 انزل كيلو عجزت اصلح دايت ونادي بس مانحف الا اربع كيلو واوقف عليها وزوجي رافض مرة اني اكمم وش الحل برايكم وكيف اقنعه

سلام عليكم انا مرة مرة متضايقه خطبني واحد من جماعتي موظف ويصلي وجميل واهلي مرة مبسوطين فيه بس انا فيني شعور مو مريح فيني غصة عيت تروح وماقدر اقول لا لان احس يمكن تكون فرصة حلوة وانا بضيعها دلوني ايش اسوي

مشكلتي الطفرة جابت لي الضيقة والله ، واقدم على وظائف ولا انقبلت بشيئ حتى مصنع مع ان عندي شهاده!! واقدم على معاهد ومعسكر أقدم عليها يرفضون بسبب استلم راتب تقاعد! لكن الحمد لله رب العالمين

السلام عليكم ، عمري ٢١ وانخطبت من ولد خالي عمره ٢٤ و عايش في منطقة ثانية لانه عسكري. الولد كل الاهل يمدحونه انه اخلاق وكل شي، لكن عشان ارتاح واعرف تفكيره ابغى اشوف حساباته في السوشل ميديا وخصوصا تويتر. كيف ممكن اعرف حساباته من رقم جواله ؟

زوجي تزوج علي من شهر وهجرني عندي ٣ اطفال لايسال لاينام عندنا ولاياكل ولايشرب كلمته بموضوع العدل وقال بعد سنه انا لسى عريس ع العلم انه يبلغ من العمر ٦٠ هو لديه اربع حريم طلبته مرره وتكرر بموضوع العدل لكنه يرفض ماذا افعل اقول له مااني مسامحتك عن يومي ولليلتي قال ربي يسامحني

السلام عليكم ابي مدرسه لتعليم ولدي لغتي قراءه وكتابه وقران وتكون اسعارها كويسه

ــ
لو سمحتو ابغى روثانه ايش افضل محل وياليت يكون الشكل نفس الصورة والله يجزاكم خير

بنات ابي افضل روائح مسك ، وعطورات للشعر والجسم للعروس

دلوني على طريقه ارجع فيها لزوجي ،،مع العلم هو الي مقصّر وغلطان ويهجرني بالاشهر وتصرفاته صايره لاتطاق،، بس العيشه عند اهلي موت احمر ، فقدت الاستقلاليه ولاحظت الوحده موجوده سواء ببيتي او ببيت اهلي ، زوجي فيه نذاله للان كله بس عشان يبغاني ارجع من غير رضاوه ،،

استفسار ٢٧٨٨٦:

اللي فاقد الراحه من سنوات وش يسوي، لا راحه عند زوج ولا حتى عند اهل يقدر يعوض لو شوي ، من كبت وضغوط في كبت وضغوط، اهج منه ل اهلي واهج من اهلي له وعلى هالحال سنين لكني انهدّيت واطفالي مقيدين يديني فالحالتين ، وجهوني وادعوا لي والله اني تعبت.

مشكلتي احس بالوحدة ماعندي صديقات ولا خوات واحس بفراغ داخلي احاول اشغل وقتي بس احس الحياة بدون ناس مقربة منك تشاركهم حياتك مالها طعم، كيف املى فراغي وانبسط بالحياة وانا وحيدة ؟

ام زوجي تاخذ من زوجي فلوس بالاف فوق قدرته وتعطيها من وراه لاخوه المتزوج الثاني تخيلو ! اكتشفت هالشيء وسكت ماقلت لزوجي هذا غير مصاريفهم الي تكسر الظهر وللاسف هالشيء مأثر على صرف زوجي لي ! دايم مضغوط ودايم مقصر معي بسبب اهله ياليت هالشيء مايأثر علي كان صبرت وسكت

استفسار ٢٧٩٠١:

عندي الوالده فيها امساك شديد كيف اعالجه ولا لها حل؟

استفسار ٢٧٨٨٤:

ياليت تقولون لنا قصص الصلاة الإبراهيمية بنية شفاء أحد الاقارب منكم من مرض الله يكتب أجركم.

السلام عليكم لوسمحتي انا مشكلتي زوجي يجلس على الجوال كثير اول مايقوم عليه واذا جاي ينام ماينام الا عليه واذا جلسنا مع بعض في اي مكان مسكو حتى في البيت نتابع شي انا اندمج وهو يمسك جواله يشيك او يتفرج تيك توك ايش الحل يعني ابيه يلتف لي يسيب جواله ويتكلم معاي نتناقش نمزح نتحكى

وش رايكم بالزوج اللي من أول أسبوع يحاول يبحث عن زلة أو خطأ ويسيء الظن عمدا بس عشان يطلق وبالنهاية يطلق بدون سبب ويرمي تهم باطلة كذبا وظلما؟ هل يحق لي الدعاء عليه لخداعه ومكره وظلمه؟ والله اني مخصصه الثلث الاخير وبعد كل اذان وبكل وقت للدعاء بسبب الظلم والخذلان والجرح اللي سببه

مشكلة قديمة ومازالت مستمرة ، وهي حدة مزاج زوجتي وزعلها السريع حتى في امور بسيطة
الحمد لله معنا خمسة ابناء ولكن بكل عقلانية حاولت ان اوضح لها طبيعة تصرفاتها ومزاجيتها ولكنها تكابر في معظم الاحيان وبعض الاحيان تعتذر وتتراجع
ماهي نصيحتكم بعد مضي ١٨ سنة اصبحت افكر في زوجة ثانية.

استفسار ٢٧٨٠٥:

وش اللي يزيل ريحة البصل والثوم من الفم بصورة سريعة؟
(غير المعجون وغسول الفم لانهن ما جابن نتيجة)
بارك الله فيكم.

وزني ٩٤ طولي ١٦٦ وكل ماجاني عريس رفضته قبل الشوفة لان ما ابي يشوفني ويرفض وتتعب نفسيتي اتمنى الزواج تعبت من الوحدة لكن السمنة منعتني لي سنوات احاول انحف ماقدرت واخاف من مضاعفات التكميم

شخص بالعمل كان معجب فيني بعد بفتره من السواليف تقدم رسمي لاهلي هو متزوج بس ماقالي الا بعد ماتقدم وجدا تعلقت فيه بشكل،، الان مابين اني خايفة من المسؤولية معه انه مايقدر على اسرتين خصوصا بسكن بنفس الفلة الي فيها زوجته لل١ لكن الفلة مقسمه قسمين. خايفة جدا عمري٣٠ وهو ٤٠ مع ٤ اطفال