#تساؤلات | انا شاب عمري 24 اعزب لم يسبق لي الزواج وجيراننا امراه كبيره بالسن وساكنه معها بنتها مطلقه وما ادري كم عمرها بالضبط بس فوق ال30 وعندها بنتين ودايم اشوفها تطلع مع بناتها وصراحه احس اعجبتني وانا انسان ما عندي لف ودوران وافكر اخطبها بس برضو خايف من الرفض منها او من اهلي لان انا عزوبي وما سبق لي الزواج وممكن يرفضون عشانها اكبر مني ومطلقه كيف اقدر اقنعهم يوافقون وافاتحهم بالموضوع لاني انسان ابغى اخطب بالحلال وما عندي لف ودوران

#تساؤلات | احتاج سواق من الجسر المعلق لحي الندوه بالرياض افيدوني الله يسعدكم

#تساؤلات | ظهرت حبوب بجسمي قبل اكثر من ٦ اشهر واستمرت موجوده الى الان وزاد عددها هل ممكن تكون اورام لا قدر الله ؟
وايش العيادة اللي اقدر اتأكد عندها ؟

#تساؤلات | ابغى الطريقة المفصلة عن تقديم بلاغ على مواطن مشغّل عامل مجهول الهوية و بما اننا في قرية و يصعب تحديد الموقع بشكل واضح ، ماهي الطريقة ؟

#تساؤلات | بسبب جشع وطمع زوجتي في الفلوس كرهت وجود الفلوس معي طبعاً في السابق كان تأخذ الفلوس بدون علمي بس استطعت إقناعها بعدم الاخذ الاباذن اذا عرفت ان عندي فلوس تبدأ في التفكير كيف تاخذها تصبح محبه حنونه مطيعه واذا ما عندي فلوس تصبح عكس ذالك تبدأ في التذمر وانكار الجميل وش الحل؟ رايكم يهمني

#تساؤلات | السلام عليكم
ودي إذا أحد مر بمشكلتي يفيدني...
بنتي عمرها ١٦ عندها شرود في الذهن ماتسمع الكلام غير مبالية لدرجة فضيعة خاملة تتفق معها تتحسن ماتم ساعتين الا وعودت لنفس الشيء تتأخر في دورة المياه
مافي حيوية وسرعة بديهة مثل اخوانها انطوائية احيانا واجتماعية احيانا
تاكل سكر بالخفية مع تحذيرها من التكرار ولا فايدة

#تساؤلات | السلام عليكم الله يسعدكم بنات مين مطلقة دون أبناء وتستلم الضمان تقولي كيف لان سمعت يقولوا لازم تسجلي مع اهلك متابع وانا ماابغى بكون لوحدي عادي لو اجيب عقد ايجار من محل عقار يطلعه ليا يقولي ب ٢٥٠ صح ؟

#تساؤلات | السلام عليكم
ياليت تسأل أنا مسوق عقاري وسويت عقد وساطة مع المالك لشقق تمليك وجبت زبون من طرفي وتمت البيعة و ما أعطاني حق عمولتي كيف اقدر اشتكي عليه عن طريق ناجز؟

#تساؤلات | السلام عليكم
انا بنت م سبق لها الزواج عمري ٢٧ سنه
تقدم لي شخص عمره ٤٦ مقتدر جداً وسمعته مره حلوه ويبيني الثانيه سؤال هل التوافق والألفه بيينا بتصير ولا استحاله من تجارب المجتمع ؟

#تساؤلات | سؤالي للبنات لو تقدم لك شخص سمين توافقين ؟ صارت لي شوفه شرعيه بس مارتحت ماتقبلته انا عمري بدايه الثلاثين وهو بدايه الاربعين امي قالت لي راح يكون فيه فرق بينكم من ناحيه التفكير ماراح يكون بينكم انسجام احس خلاص الرجال من يوصل الاربعين يصير شخص بيتوتي

#تساؤلات | السلام عليكم انا عندي مشكله من فتره طويله بدأت معي بخفيف والحين زادت علي بالحيل وهي ان رجليني بطن الرجل تحديداً معاد اتحمل اوقف عليه لو ساعه كامله اتعبب والمشي والرياضه صارت توجع بالحيل ولا اعرف السبب قبل تجيني خفيف والحين اذا جتني نبضضض نبضض والم بااصباعي واسفل القدم والجوانب وكله احد صار له كذا ؟ واي مكان اروح لهم والقى عندهم التشخبص والعلاج بس ؟جزاء الله خير من بيدلني على علاج لها

#تساؤلات | انا كنت متزوجه من شخص قبل من زمان طويل وانفصلنا..هو تزوج وانا تزوجت لم يرزقنا الله بأبناء ابدا .. بعدها تطلقنا فكرت في الرجعة له وكتبت رسالة له في الواتس وقال بستخير واستشر اعطيك خبر الموضوع صار الاحد اللي فات .. بعدها ارسلت له رساله الخميس واليوم ماعاد فتح الرساله ماعاد رد
ابي مساعده منكم وش اسوي
المشكله انه ماعاد رد.. ابي نصيحتكم وش اسوي ؟ مده الفراق ٢٠ سنه

#تساؤلات | السلام عليكم
والله اي شخص يساعدني مابنساه من دعواتي
أعاني من أصوات البطن بشكل مو طبيعي رغم ان أكلي صحي بليز ساعدوني قاعده انحرجججججج بشكل مو طبيعي هل فيه علاج او حل لمشكلتي؟

#تساولات | السلام عليكم صار لي فتره طويلة مستأجر ب 700 ريال من غير الكهرباء يعني توصل شهرياً 1000 ريال / مالكم بالطويله جاء مالك جديد للعماره ورفع السعر 1200 من غير الكهرباء وراتب 2200 وعندي عيال ومصاريف والمهم صار لي شهرين ادور مالقيت شي رخيص ابدآ هل فيه جمعيه تساعد بالايجار او فيه طريقه حتى لو بنص الايجار تكفل الله يجزاكم خير ويفرج همكم .

#تساؤلات | دائما في حسابي في تطبيق الراجحي ، جزء من رصيدي يكون موقفينه ومكتوب لديك رصيد غير متاح بمبلغ كذا، هذا المبلغ محجوز لإرتباطه بمعامله ماليه مخالصه مع بائع او منتج، وانا متاكده ماعندي اي مخالصه مع احد، الحل الله يعافيكم دائما مو مره ولا مرتين

#تساؤلات | عمري 34 فيني مرض وراثي واخذ له علاج وممنوعه من الزواج داخل القرابه عشان ما اجيب اطفال مصابين بعدين بس لما يجون خطاب يتقدمون لما نعلمهم انه فيني مرض وراثي واخذ علاج مايكملون يرفضون برأيكم هل المرض الوراثي هو السبب ؟

#تساؤلات | انا صارت بيني وبين اخت زوجي مكالمة لموضوع مختلف لكن مع السوالف اخت زوجي قالت اخوي كذا مره يبي ينفصل عنك وامي وابوي يمنعونه لان امي وابوي يحبونك وانا في حالة شك اصدقها ؟ لاني ما اصدق زوجي يطلع منه هالتصرف
وبنفس الوقت اخر فتره زوجي يكرر انتي ما تبيني ؟ انتي مليتي مني مو طايقتني ؟ هل يبيها تطلع مني ؟ هل اواجهه او اسكت ؟

#تساؤلات | انا شخص متزوج عن حب لي تقريباً شهرين المهم ان البنت محترمه وكويسه ولكن امها صارت كل فتره تجي تاخذها يعني كل طلعه ولا مناسبه ف يعني كل ٤ ايام ولا ٣ ايام تجي تاخذها ف جاء يوم قالت بخرج مع امي وانا فالعمل وقلت لها لا تخرجين حتى اجي البيت فجاه جيت البيت م حصلتها ومشيت الامور وعديت الامر بحكم اني مابي اخرب بيتي غير كذا البنت صارت اكثر وقتها منفسه زعلانه على الجوال بدون اسباب اسولف معاها اكلمها ع نفس الحال وكل يوم مشكله بيني وبينها المهم قالت ابي اتوظف قلت م عندي اي مشكله ماراح امنعك من رزقك المهم اكتشفت انها جاتها وظيفه بس مختلطه يعني محل صغير شركه معروفه فيه ٥ شباب و ٥ بنات ف نفس المحل وكلهم جنب بعض ف رفضت الشي ذا قامت زعلت وجاء امس قالت ودني الدوام قلت مستحيل انا م منعتك من الوظيفه لاكن الوضع ذا م يصير غير كذا رحت ل ابوها امس وكلمته وقلت له عن الوضع كامل والله ماني مقصر ف بيتي وموفر لها كل شي واعطيها عيوني يشهد الله علي قامت البنت وامها اليوم يكلمون امي وتقول انه م سدد شريحتي وانه م يعطيني حساب المواطن المشكله اول شهرين لنا واول شهر ينزل حساب المواطن هل ذا سبب مقنع انها تسوي الشي ذا كله تكفون شورو عليه ؟

#تساؤلات | تكفى نزل عندك ضروري وحده تقدم خدمة واتفقنا التسليم امس والى الان ما ردت والتحويل كان لحسابها الشخصي، ايش الجهة الي ممكن تساعدني للتبليغ ؟ لا الخدمة جتني ولا رد ولا الفلوس .

#تساؤلات | السلام عليكم
تعبت من الم بطني الحين لي سنه ماقدر اكل شي كل شي يتعبني انتفاخ ومغص وغثيان وغازات رحت سويت تحاليل واشعه كلشي سليم وزني صار ٣٣ ذبلت انهلكت كرهت كلشي حتى نفسي فيني غصه كذا بيوم وليله تغير حالي والله مخنوقه كثير مايمر يوم الا وانا تعبانه سويت حميه وامتنعت عن كل المسببات حتى الاكل الصحي يتعبني حرفيا كل يوم وانا تعبانه
اعطوني حل؟ وادعوا لي