#تساؤلات | ليش البنت الموظفه عندنا هنا مكروفه؟ يبونها تقوم بنفسها ويبونها تساهم بمصاريف العيال وتساهم في سفراتهم النص بالنص وتدفع راتب الشغالة وتقوم بامور البيت والعيال؟؟ ليش ليش؟ بدون مصروف ولا شيء من زوجها، بينما العاطلة عادي زوجها يتكفل فيها من إلى بنفس طيبه حتى لو هي مقصرة في البيت وحتى لو تطبخ وجبة وحده في اليوم عادي ويعطيها مصروف شهري ويسفرها على حسابه ويدفع لها مصاريفها الثانية.. ليش اتكلم انا؟ لأني اشوف اخت زوجي تقول الموظفة المفروض هي الي تدفع راتب الشغالة اجل هي تجمع راتبها وزوجها يقعد يتفرج؟ مع ان زوجي كان راتبه زين ويقدر بس كذا وهي زوجها ما خلا عليها قاصر حتى الشغاله جايب لها فلبينيه وشاري لها سياره ويعطيها مصروف ويسفرها على حسابه ومسجلها في احسن نادي لكن ليس يستكثرون علي الشيء؟ احسني اكره زوجي يوم اشوفه يتأثر بهالاشياء أو يوم يعاتبي على تقصير البيت؟!! طيب ومساهماتي الثانيه كلها وين راحت؟!! موب إذا يبني أقوم بالبيت من إلى ينصفني ويعاملني زي العاطلة ويمشي لي مصروف ويدلعني أما اني اكرف في الدوام وفي البيت وادفع من هنا ومن هنا ليش!!!! هذا موب ظلم؟

#تساؤلات | لو سمحت ممكن تنزل سؤالي ، اللي تزوجت وكارهه زوجها وحياتها بكبرها وهي مجبروه ما كان اختيارها ، هل اذا حملت تتغير الحياة عندها يعني حبتها بعد ما انجبت ولا لا زالت كارهتها ؟

#تساؤلات | عندي مشكلة انا من الشرقية وبنت غير متزوجة دوامي من ٨ لين ٤ مشكلتي كيف استفيد من باقي يومي من طلعات ونادي ؟ كيف اقسم يومي بشكل صحيح ؟ لاني نفسيتي تعبت دوام وبيت احس حياتي راحت كذا ويجيني اكتئاب من الوضع ..الحمدلله على الوظيفه

#تساؤلات | راسي دايما يعورني بعد الشاور هل هذا طبيعي وش السبب انا بنت هل احد يصير معه كذا؟ كيف اتروش بدون راسي يصدع؟ من لما يجيه المويه يصدع وأنام بعدها ٨ ساعات ياالله يوقف صداع

#تساؤلات | عندنا اخو كبير تزوج وطلق بعد الزواج ب ٤ ايام وهو ما دخل والبنت كانت ماتبيه او مغصوبه ماندري وش وضعها واحنا كلنا بنات وابوي متقاعد ومعتمد عليه بكل شي ودايم يقوله تزوج وخذ لك بيت وأسس حياتك لانه هو كبير وبسن زواج وهو مو راعي مسؤوليه ابد وقدر الله وملكنا له على وحده وشافها بالملكه واعجب فيها مر اسبوع بعد الملكه والبنت رفضته وطلبت الطلاق علما البنت تقرب لنا وكانت موافقه واخوي تعلق فيها لانه كان يكلمها خلال اسبوع وأعجب فيها وبأسلوبها وشكلها والحين يقول مابي غيرها ولا ابي أتزوج إذا مب هي والبنت طلقها لأنها طلبت كذا وش نسوي معه احنا بنات بدون وظايف ضايعين وابوي معتمد عليه بكل شي ويبيه يتزوج وش الحل معه

#تساؤلات | السلام عليكم .. ممكن سؤال للمتابعين ..
انا الان اشتغل واصرف على نفسي وبنتي ، زوجي عنده ايقاف خدمات و مخالفات ولا عنده رخصه ولا سياره بسببها ..
واذا يروح يقدم وظايف يقولو له لازم تشيل ايقاف الخدمات ..
فانا قلت له خلاص انا حصير من المشاهير وباحتشامي واحترامي وعندي موهبتي واطلع فلوس دبل عشان نقدر نجيب بيت واسدد لك كل مخالفاتك وديونك واساعدك ..
رفض رفض تام وقالي اذا انشهرتي او صار شي راح اطلقك لكن تفاجأت اليوم يقول لا ما بطلقك وبخليك ع ذمتي لكن لا ترتجين مني شي يعني فقط حنربي البنت سوا وبس ولا حيكون بيننا عشره ولا عيال غير هالبنت وقالي ان انا جبت له الاكتئاب وانه معد صار ينام الا ببندول نايت بسببي ..
وللعلم انا لي الان ببيت اهلي فوق ال ٤ سنوات وهو كمان ببيت اهله بحكم الظروف وان ما نقدر ندفع حق بيت ..

هل انا غلطت بشيء؟؟ والله اني مخنوقه ولا اعرف ايش اسوي واحس اني مضغوووطة من كل الاتجاهات خصوصا اني ببيت اهلي كمان ادفع معهم ايجار واساعدهم .. تعبت دلوني ايش ممكن اسوي عشان اقدر اطلع من الي انا فيه ويكون لي دخل ثابت كويس غير الوظيفه وغير الشهره ؟؟

#تساؤلات | طلقت زوجتي بسبب الوالدة كانت تعتبرها كأنها عدوة وطردتها من بيتها وانا ظلمتها كثير قلت عليها كلام ماينقال لاني سمعت كلام الوالدة والحين ندمان أشد ندم حاولت التواصل معها لكنها عملت لي حضر، ابي طريقة ارجعها ،ابي الحل من الاخوان شلون رجعتوا زوجاتهم عطوني الطريقة؟

#تساؤلات | السلام عليكم ابغى افضل دكتوره اخصائية نفسية بجنوب الرياض ؟

#تساؤلات | السلام عليكم
احد يعرف شركة aroundU | اروند يو. لخدمة العملاء عن بعد مقرها الخبر هل هي سعودية موثوقه ؟ انا قدمت عندهم وقبلوني وطالبين رقم الايباد ورقم الهويه اللي يعرفها يفيدني؟

#تساؤلات | السلام عليكم انا معدد وكل زوجة في مدينة إذا جبت ولدي الصغير معي عند زوجتي الأولى يتعرف على اخوانه ويسلم على جدته (امي) وأهلي يركبها عشرين عفريت تزعل ولا تكلم احد. مع العلم أني أخذت ولد الأولى عند الثانية ولا زعلت وصار الإخوان بينهم ود ومحبة
هل طريقتي صحيحة ولا اهتمّ في زعلهم اخلي عيالي يتواصلون مع بعض أو أراعي خاطرهم؟

#تساؤلات | سعر التذكرة الوحد من السعودية الى اندونوسيا كم؟ زوجين وبنت عمرها سنتين و٤ شهور.

#تساؤلات | تعبت مره من الرهاب الاجتماعي متخيلين انه فيني من لما كنت صغيره والله ياناس أني من المتوسط إلى الحين الجامعه ماعندي صداقات متخيلين انتم !
بتقولون طيب كوني صداقات ماني قادره خلاص تعودت ، ماحب الاجتماعات دائماً منعزله، قبل سنوات كان الوضع عادي عندي بس الحين احس بدأت ادخل في اكتئاب وحتى وصلت لأقصى مراحل الاكتئاب وصرت أتمنى الموت وقول ليش جيت على ذا الدنيا ، وألوم أبوي وامي لأنهم جابوني ، والله حتى وأنا قاعده اكتب لكم احاول امسك دموعي ، متخيلين عشت اغلب سنواتي لوحدي رغم وجود ناس حولي زي الادمان إلي ماني قادره أتخلص منه ، احب الوحده بشكل جنوني وهذا الشيء قاعد يجيب آثار سلبية علي ، والمصيبة أني ماني قادرة اخرج للناس ولاني عارفه كيف مستقبلاً بواجهه المجتمع وبختلط فيه لان تخصصي اجتماعي بحت ، وش رأيكم كيف أتصرف مع نفسي ، عطوني حل غير الأطباء النفسيين لان حرفيًا أسعارهم تزيد الاكتئاب

#تساؤلات | استفسار عندي ثلاث بنات توأم عمرهم الان 5 سنوات سمعت من كذا شخص ان في خادمة تصرف لك من الدولة كيف اقدر اقدم على الخادمة وعن طريق من ؟ وشكرا

#تساؤلات | تقدمت بدعوى في المحكمة الجزائية تخبيب ..وتم رد الدعوى والسبب(غير متاح الطلب) هكذا فقط وقمت بمراجعة مركز ناجز العدلي وافادوني بانه تم إيقاف دعاوى التخبيب حاليا ..
يا ترى ماهو السبب في ذلك وهل هو مؤقت وما هو الحل في هذه الحالة؟

#تساؤلات | السلام عليكم
الجناح الملكي في الريتز كارلتون كم يكلف بالضبط وهل في رقم انسق معه؟

#تساؤلات | السلام عليكم ورحمة الله
عندي استفسار للي خلعوا ازواجهم
ماهو العوض المالي الي تقدمة الزوجة عند طلب الخلع هل ممكن يطلب فلوس غير المهر ؟

#تساؤلات | انا رجل متزوج وزوجتى عاقله ومحافظه على صلاتها واذكارها ولكن ما تحب اهلي وهذا الشي يضايقني كثير
ولا تحب اعزم ضيوف واذا سافرت تزعجني اتصالات وين رحت وين جيت
فناوي اتزوج عليها وش تنصحوني !!

#تساؤلات | انا اُم لطفلين وتجيني بين فترة وفترة خيالات سيئة جدًا ومرعبة عنهم واتخيل اطيح وهم في يدي ويصير منظر مرعب ولا اتخيل يلعب ويصير شي لا سمح الله وكلها تخليني اقشعر واشد اعصابي من الرعب، هل في احد نفس حالتي وكيف ابعدها عني؟

#تساؤلات | عندي مشكله في الملحق الخارجي اذا جاء مطر حتى لو كان بسيط يفصل الكهرب عن الملحق … ايش ممكن تكون المشكله هل فيه التماس او ايش؟

#تساؤلات | السلام عليكم ورحمة الله
امنيتي اختم القران قراءه فقط ، او اصلي السنن او اقول الاذكار لو لمده اسبوع ، ف كل مره اتقرب من ربي يجيني ارهاق وكسل وضيق وخفقان وماارتاح الين اترك القران الي ملتزمين علموني وش الاشياء الي تعينكم على الطاعه وتستمرون عليها؟