اسأل مجتمع أهل السعودية

السلام عليكم مشكلتي وصل عمري 34 وماتزوجت وكثير تقدمو لي بس يجون ويروحون بدون سبب حتى قبل ماتصير شوفه شرعيه مدري وش السبب رغب انو الحمدالله جميله وموظفه مو ناقصني شي

انا مشكلتي متعبتني مره جسمي فيه تصبغات كثير و في الركب و الاكواع برغم اني جداً مهتمة بنفسي و بوزني و شعري و شكلي و كل شي راضيه عنه تماماً الحمدلله بس التصبغات ما خليت شي ما جربته و اللي يحرجني اكثر ان زوجي ماشاءالله جسمه قطعة وحده صحيح عمره ما علق علي بس انا احس بالفشيلة

مشكلتي رقبتي فيها سمار مره مضايقني
وماعندي سكر ولا شئ ووجهي مليان نمش وعندي هالات سودا مضايقتني ومكدرتني

#فضفضه زوجي عنده شقق للايجار واغلب اللي يتصلون بنات ويتدلعون واصوات غريبه عشان يقلل لهم السعر اقترحت انه يترك الجوال والتواصل علي انا ويكون واتس فقط والجوال معي عشان ارتاح نفسياً وزعل ورفض وقال لاتتدخلين فيني ابي حل يرضي الطرفين

طلعت هالحشرات في غرفتي و سببت لي حساسية ، كيف اقضي عليها ؟

السلام عليكم ممكن تعرض مشكلتي انا متزوجة وعندي خمس اطفال زوجي صار يشتغل في تطبيقات التوصيل صار له علاقة مع بنات وصار مايصرف علي وضربني قبل اسبوع وطرحني على الارض وحنقني لانه طلبته يطلعني انا والبنات هو مايصرف علي هل اذا تطلقت يمكن اتزوج شخص يحن علي ويحبني عمري ٣٨ صار هاجس عندي افكر يمكن اذا تطلقت ربي يرزقني بشخص يحن علي انا جميلة وموظفة والحمدلله مادري خايفة على بناتي اذا انفصلت بس لكن هو زوجي ماعاد افكر فيه كل وقتي ادعي ربي يرزقني رجل يحبني ويهتم فيني ويخاف علي ويصوني وش تنصحوني بدون يوزر

السلام عليكم عندي مشكله توي متزوجه لي 6شهور وزوجي منفصل له سنتين و اخوات زوجي بيعاملوني زين بس دايم يغلطو باسمي وينادوني باسم طليقته القديمه ويقولون بالغلط واسفين واعديها وانا استحي واسكت ماارد عليهم لما ينادوني اعطوني حل حتى زوجي ماقلت له اخاف اقله على خواته واذكره بطليقته

وش الحل مع الزوجه الكسولة ، الي ماعندها أي مبالاة او احساس بنظافة البيت ، علمتها اكثر من مره ولا في فائدة، انصحوني

سلام عليكم حابه اقول مشكلتي انا زوجي مايسولف معي ولايفتح مواضيع ابد ولا قعدت معه ع جواله وانا ع جوالي وبس يعرفني وقت حاجته وفراشه وعلى هالحال لنا ٧ سنوات وش الحل معه

السلام عليكم ، انا راتبي ٦٠٠٠ وابي اشتري سياره ومحتاره اخذها قرض ولا تقسيط ، عطوني رايكم وخبرتكم

انا بنت ميزانيتي بحدود ٨٠ الف ابي اشتري جيب صغير للدوام لكن ابغى شركة قوية ولها وكيل بالسعودية + البنزين مايصرف كثير …وايش افضل الشركات كوري او ياباني ؟ مابي الصيني لان خراباته كثير وتصليحه صعب

ــ
تكفون ساعدوني
عندي ضيوف ٦٠ شخص
٣٠ رجال و٣٠ نساء
كم ذببحة تكفي وكم صحن يجي من الذبيحة الوحده... وكيف التوزيع

مشكلتي اهل زوجي اذا جابو شي لولدي لازم يقولون له مين جاب لك هذا ؟؟؟ اييه هذا انا جبته ، يحفظونه الكلام حفظ انهم الي جابو له اللبس او اللعبه واذا شافوه مره ثانيه يسألونه نفس السؤال مين جاب لك هذا مين بديت احس ان طفلي ينذل ، هل الوضع يستاهل او انا حساسه

مشكلتي اني احب واحد ويحبني وبيتقدملي واحس اني مو واثقه من شكلي موب جميلة وهو يعتبر عادي مقبول مو جميل انا شايفته بالصور وهو ماشافني ابدا بس من الحب اللي نحب بعض بيتقدملي شورو علي متردده وخايفه انه مايقبل

السلام عليكم مشكلتي زوجي اذا صار عند اهله مايرد على اتصالي ابد واذا سالته يقول عشان مايقولون اهلي زي فلان زوجته تتصل عليه كثير للمعلومية انا ماتصل عليه الا للضروره مثلا ابيه يجيب اغراض للبنت او اذا تاخر اكثر من 7 ساعات .،

السلام عليكم ورحمة الله وبركاته
ولدي جاني وقال جارنا يتحرش فيني علما ان عمر جارنا ٤٥ سنة ومتزوج وعنده عيال بكبر ولدي الذي عمرة ١٢ سنة كيف اتعامل مع هذا الجار؟ وهل يتم فضحة امام عياله او يستر عليه افضل ؟ وهو غير مجاهر بهذا العمل.

راغبة بالطلاق لأسباب كثير من ضمنها هجر الفراش بسبب عجز، زوجي راغب فيني جدًا ورافض بسبب حبه بس أنا كارهته كزوج مش كانسان هو كانسان كويس جدًا ولكن أنا كرهته كزوج ماني متقبلته ودي اكمل عشان ما اجرحه وهو متعلق فيني بس بنفس الوقت ماني قادرة اتقبله كارهته مرة ونفسيتي تعبت مرة لهالسبب

وين احصل مثل هذي الكنافة في الرياض ؟

السلام عليكم
ممكن ترشحون لي أفضل مطعم يسوي ستيك لحم بالرياض ؟!

ــ
انا جديد ع الرياض ،زوجتي على وجه ولاده و الخاص غالي
كيف مستشفيات الرياض الاغلب ما يمدحها