اسأل مجتمع أهل السعودية

#تساؤلات | انا تزوجت لي خمس شهور ولا زرت اهلي الا كم مره احس اني مااشتاق لهم وهم في مدينه ثانيه هل هذا طبيعي ؟ واذا زوجي تأخر او راح مكان اشتاق له اكثر منهم
لدرجه انسى اتصل عليهم وحتى صديقاتي مو مشتاقه لهم

#تساؤلات |

#تساؤلات |

هل ممكن ينسى الشخص الحب الاول في حياته؟
خطيبي كان يحب وحده قبلي واعترف لي انه يحبها وكان مستعد يتزوجها لكن الظروف منعته انا الحين في حرب افكار والله العظيم يقول انها صارت ماضي وراح وانا مستحيل اصدق هالكلام ولا قدرت اصلا هل ممكن يحبني صدق ولا كلها بتكون مشاعر مجاملة رغم ان هذا اول حب في حياتي وانا صادقه بكل شي تجاهه ولذلك مابي اندم على عمري ومشاعري

وش أفضل مطعم بخاري شرق الرياض مثل كذا ؟

ــ
السلام عليكم، كيف ادفع باقي اقساط السياره عن زوجي بدون يدري من دفعها؟ ابي اساعده وهو مستحيل يوافق رغم ان راتبي اضعاف راتبه. عطوني طريقه بدون اجرح كرامته او احرجه و جزاكم الله خير.

مشكلتي متزوج وزوجتي جمال وادب واخلاق ولا ابي غيرها بس عندها مشكلة في ريحة فمها تعبت معها حتى اوضح بالكلام والاسلوب بس تحس ما تبي تفهم وش الحل معها وانا كل يوم انظف اسناني واجي عندها عشان تشوفني بس ما يهمها ولا كني اسوي شي قدامها وش الحل؟

مشكلتي صعبه ولا لقيت لها حل تكفون ابي حل تعرفت على واحد بصدفه وللله وطلعت له اضافات سريعه في السناب كل اهلي وخواني وصديقاتي وصوري عنده مايصرح بشي بس دايم يلمح عجزت انهي هالعلاقةاخاف من انه يصدمني بهالشي احاول انسحب ابي احل وللله اني احاول في رقم اتواصل معه لو وصل الموضوع لتهديد

يا اخوان ودي اجيب فطور لزملاي بالعمل عدد ٢٥ شخص ومحتار ودي برأيكم وش اجيب ووش المطعم المناسب جودة وسعر معقول ؟؟

انا مشكلتي ام لطفلين متزوجة من اربع سنوات زوجي خاني سنة الثالثه من زواجنا مو مسألة تقصير مني لا والله بس هو يحب الحريم الحين انا ماني قادره اتجاوز واتخطى مرحلة خيانته لي اللي خاني معاها موظفه عنده بالشغل وصار مني نفور له مو طبيعي ومابي اخرب بيتي واشتت عيالي بس انه ساكته ومحتسبه

مشكلتي وصلت مرحله مااقدر اتحمل شعوري زياده لي ٤ سنوات متزوجه وعندي بنت من يوم تزوجت وانا ماتقبلت زوجي وبنفس الوقت مافي توافق بينا ولا احس بالراحه معه كل سنه اقول راح نتغير وطبقت بعض الحلول لاكن لافائده حالياً طالبه الانفصال واللي حولي يقولون اسبابك تافهه

السلام عليكم
انا انسانه احب اللغه التركيه وفيني شغف بنسبه ١٠٠٪ اني اتقنها لكن هل هي بتفيدني في حياتي ولا بس بتعلمها ع الفاضي ؟

امي تاخذ كيماوي و ما عاد صار عندها شعر و حواجب، ابي محل بالرياض يبيع شعر و شعر حواجب مستعار. و جزاكم الله خيرTranslate Tweet

:
السلام عليكم أنا زائرة الرياض وحابة اجيب هدايا لأهلي من الرياض ايش تنصحوني اجيب ابغى شي يتميزون فيه أهل الرياض ؟!

مع كثرة أنواع الشاهي بالسوق .. وش أفضل شاهي يكون طعمه ممتاز ويمخمخ الرأس من تجربة ؟

#تساؤلات | سؤالي بأنه لو الرجُل تزوج وحده ما تعرف تطبخ و لا تحب تطبخ لكن هذي البنت جداً مُحترمه و أخلاق و تحب زوجها و تحب أهله سؤالي بأنه هل الرجُل هذا اللي هو زوجها هل هو راح يحب زوجته اللي ما تعرف تطبخ لكنها طيبه جداً او ما راح يحبها ؟؟ جاوبوني بالله يا رجال

#تساؤلات | انا زوجي انسان طيب مره ولا يرفض لي طلب بس مشكلته في العلاقه كل شوي يطلبني وانا ما ابي ارفض لانه ولا مره رفض لي طلب صرت اتروش في اليوم ثلاث الى اربع مرات شعري انعدم وبدا يتساقط بشرتي انعدمت ولا ادري ايش الحل كيف اخليه يخفف طلب ؟

مشكلتي باختصار أني متزوج ولا ني متزوج وبيننا ابناء ، ودخلت حياتي فتاه اخرى وللاسف بسبب الفراغ العاطفي احببتها وعرضت عليها الزواج ورفضت بحجه أنها لا ترضى بالقليل وانها تريدني لها فقط، وانا في حيرة من امري. وطبعا زوجتي همها صديقاتها و لبسها وابنائها و دوامها.
اريد حلا.

السلام عليكم ، عمري ٢١ وانخطبت من ولد خالي عمره ٢٤ و عايش في منطقة ثانية لانه عسكري. الولد كل الاهل يمدحونه انه اخلاق وكل شي، لكن عشان ارتاح واعرف تفكيره ابغى اشوف حساباته في السوشل ميديا وخصوصا تويتر. كيف ممكن اعرف حساباته من رقم جواله ؟

ــ
السلام عليكم .. أنا بنت ومعي كاش فقط 55 الف .. ابي فيها سيارة تكون جديدة وكالة مايهمني كشخة ولا شكل ولا هالامور يهمني تكون قد فلوسي بالضبط وتكون كويسة لأني مقدر اغير بسهولة وسهلة وخفيفة على بنت