اسأل مجتمع أهل السعودية

زوجي ماعمري شفت دمعه تنزل من عينه والحين يوميا يبكي من بعد وفاة امه وكل مابكى بكيت أنا اكثر منه من كثر مايتقطع قلبي عليه اما نومه انومه بحضني كل يوم وانا الخوف ذابحني من قصص الناس اللي يقتلها الحزن لين صار كل يوم اعيش خوف اني افقده

ساعدوني تكفون كيف ارجع الحياة داخله زي اول

مشكلتي زوجي يحب ينكد دايم علي بكل طلعه اذا حطيت مسكرا ويسوي سالفه ويقلب الطلعه نكد يبي اطلع ماحط شي بعيوني وانا منقبه وأحب اسوي عيوني شي بسيط مو لافت ابداً تعبت معه ايش الحل ؟

ماكان ودي افضفض لاحد عن هالموضوع الا انه موجع قلبي كثيييير مشكلتي صديقتي المقربه عزمت كل صديقاتها ع زواجها الا انا .. مع العلم اني اقرب لها و واقفه معها بكل تجهيزاتها وكليوم نكلم بعض .. بصدري جرح عميق ولا اعرف وش يداويه احس اني مصدومه منها ..

مشكلتي زوجي مايوفر لي مصروف الا لما اقوله وانا ماحب كل مره عطني عطني مع العلم ان ماعندي اي دخل ثاني والحين نازل البونس السنوي ماشفت شي منه والمح له نسافر يطقطق او يسكت مايعطيني اجابه واضحه وش الحل ؟

السلام عليكم . الله يسعدكم ارشدوني كيف اخذ حق بنتي من معلمه كبت فوق راسها الزباله الله يكرمكم و قالت لها هيا جمعيها . هل الشكوى بالاشراف تجيب جدوى او اكتفي اني اروح للمدرسهه ؟؟!!

مشكلتي اني مجروحه من زوجي بسبب مواقف متراكمه لسانه سليط جدا هو طيب وكويس مع عياله ومهتم في البيت ومسوؤل من الدرجه الاولى عن كل شي لكنه سلييط اللسان وقاسي معي بالكلام والمواقف مؤذي متزوجين لنا ١١ سنه من اول سنه وحنا في مشاكل صرت مو قادره اتقبل الجنس معاه ولا اطيقه

ــ
السلام عليكم
أرغب في شراء سيارة جديدة اقتصادية في البنزين وقطع الغيار وتكون مرتفعة ولا تكون صينية بحدود ٧٠ أو ٨٠ ألف

السلام عليكم
ياجماعه انا فيني مشكله معاد احس بلذه الحياه ابداً عمري ٢٠ واحس اني في أواخر عمري او في منتصفه احس الحياه قربت تاخذني ولا اتلذذ بولا شى لدرجه احب الانعزال لدرجه اهلي يطلعون وابقى لحالي علماً اني ماكنت كذا هل المشكله نفسيه ولا طبيعيه ولا نُضج م عاد صرت اعرف لنفسي ؟

السلام عليكم انا معي مبلغ ١٠٠ الف وفيه ناس نصحوني اشتري قلاب واجره ٤٠ الف شهرياً وبكم اسعار القلابات ؟

السلام عليكم
ياليت تسأل محتار في اسم لمشروع كوفي والاسم المقترح الفائز بدخل عليه خاص واعطيه مكافأة ٥٠٠ ريال يكون كلمة وحدة ( عربي وانجليزي )

:
السلام عليكم اسال لي عن أفضل مطاعم البخاري في الرياض عن طريق تجربة ؟!

:
السلام عليكم ، عندي بنتي في ثاني ابتدائي الله يصلحها مره سلوكها جاب لي النفسية بس تخرب كل شي وتكذب كثير وما تسمع الكلام ، اعطوني نصائح أيش أسوي تعبت نفسياً وأحيانا تسوي مصايب وأضربها وبعدين أندم ، فين ممكن اوديها مكان بالرياض يشوف سلوكها ويعدله لي ؟!

أنا أمارس المشي وسني قرب للستين سنة أريد جزم أو شبشب مريح للمشي الله يعافيكم دلوني أسماء الجزم أو الشبشب والمحلات اللي تبيعه

#تساؤلات | انا احتاج مشورتكم ، انا عروس صار لي ٦ اشهر ، والحمدلله علاقتنا ممتازة مع بعض، لكن زوجي له ٣ اشهر ما قرب مني ، واشك ان عنده ضعف ، هل اسأله مباشرة عن السبب او اسكت واشوف وش بيصير بالنهاية ؟

#تساؤلات | لما طليقي من شهر يرسل تهنئة بالعيد ايش التفسير ايش يبغى؟
علما بأنه عقد علي عقد واليوم الثاني قال ابي اطلق نفسي مو مرتاحة وطلق بنفس الاسبوع؟
ممكن أسمع آراؤكم؟

#تساؤلات |

#تساؤلات | قدرت اصمد بسبب ضعف زوجي الجنسي يعني احس تخطيت الأمر ما صار هاجس واحس بنفس الوقت انه افضل من جرجرة الخلع وطلب الطلاق والبحث عن زوج جديد ويمكن يكون مثله او أسوأ... ايش نصائحكم لي هل استمر او لا

#تساؤلات |

السلام عليكم
انا عمري 28 وزوجي 44 لنا 6 سنوات متزوجين ، غشونا اهله في عمره ومااكتشف الا بعد الزواج بأسبوع
والله ياجماعه فرق التفكير والاهتمام بيننا كبير يشهد الله ماني مقصره فشي ودايما ساكته مااحب المشاكل وطبعي هين ولين وطلبات مااطلب بسبب اسلوبه الجاف حتى مشاويري مايوديني تمشيات مانتمشى يقول مستحيل امشي معاك فالشارع !! واذا طلبته فلوس يصد عني او يحول مبلغ قليل مايتعدى 200 ريال من غير الفاظه وتعامله السيء فيه جفاوه بيننا كبيره انا صغيره ودي اعيش حياتي وهو كبير ماعاد تهمه هالاشياء طيب انا عندي احتياجات بهالحياه يعني خلاص ماعاد اطلب ولا اشوف اموري ودي انفصل عنه لكن صدق مالي مكان اروح له ولا موظفه اعز نفسي لكن الحمدلله على كل حال

ــ
السلام عليكم بغيت محل بالرياض نفس كذا اجبان ومخللات نواشف بالعربي